Техасдаги “отишма”: Испания ва Франсия ЖЧ финал йўлланмаси учун майдонга тушади (превю)

Техасдаги "отишма": Испания ва Франсия ЖЧ финал йўлланмаси учун майдонга тушади (превю)

АҚШ, Канада ва Мексика ҳудудларида давом этаётган Жаҳон чемпионати ўзининг энг қизғин босқичига етиб келди. Турнирнинг илк ярим финалида Дидье Дешам бощилигидаги Франсия терма жамоаси Луис де ла Фуентенинг Испаниясига қарши майдонга тушади. Ушбу тўқнашувга АҚШнинг Арлингтон шаҳридаги "АТ&Т" стадиони мезбонлик қилади. Қуйида учрашув олдидан жамоаларнинг ҳолати, таркиблар ва мураббийларнинг фикрлари билан батафсил танишамиз.

Франсия

Дидье Дешам шогирдлари ушбу турнирда барқарор ҳаракат қилмоқда. Гуруҳ босқичида Сенегал ва Норвегиядан гол ўтказиб юборган ҳимоя чизиғи плей-оффга келиб ўз дарвозасига "қулф урди" — плей-оффнинг кетма-кет учта ўйинида "учранглилар" гол ўтказмади (жумладан, чорак финалда Марокаш 2:0 ҳисобида мағлуб этилди).

Айни дамда Франсиянинг ҳужум чизиғи исталган рақиб учун ҳақиқий бош оғриқ. Жамоа сардори Килиан Мбаппе 8 та гол ва 3 та ассист билан тўпурарлар пойгасида Лионел Месси билан рақобатлашмоқда. Унга Усман Дембеле (5 та гол), Майкл Олисе (5 та ассист) ва Десире Дуе каби футболчилар ёрдам бермоқда. Жамоа ярим финалга ҳеч қандай жароҳатларсиз, тўлиқ ва жанговар таркибда етиб келди.

Франсиянинг эҳтимолий таркиби (4-2-3-1): Майк Менян; Жул Кунде, Даёт Упамекано, Уилям Салиба, Лука Дин; Ману Коне, Адриан Рабио; Усмон Дембеле, Майкл Олисе, Дезире Дуе, Килиан Мбаппе.

Дидье Дешам (Франсия бош мураббийи):

"Испания тўп назоратини ўзида ушлашни яхши кўради. Уларнинг бу турнирда атиги битта гол ўтказиб юборгани бежиз эмас. Рақиблар жамоалар улардан тўпни тортиб олиши жуда қийин. Биз ҳам ўйинни назорат қилишни ёқтирадиган жамоамиз. Шу сабабли майдонда икки хил услубнинг қизиқарли қарама-қаршилигини кўрамиз. Олдинги учрашувлар энди тарихда қолди, бу ерда ҳеч қандай қасос ҳақида гап йўқ. Бу ярим финал ва бу баҳсда финал йўлланмаси тикилган. Албатта, аввалги икки учрашувни унутганим йўқ. Аммо ҳозир фақат битта мақсад бор — финалга чиқиш. Ва бу йўлланма фақат биттагина".

Испания

Луис де ла Фуенте қўл остидаги Испания бу чемпионатда энг мустаҳкам ва тартибли жамоа номини оқламоқда. "Қизил фурия" турнир давомида ўтказилган 5 та ўйинда атиги 1 та гол ўтказиб юборди. Чорак финалда улар Микел Меринонинг сўнгги дақиқалардаги голи эвазига Белгия тўсиғидан ўтишга муваффақ бўлди.

Испанларнинг ҳужум чизиғи баъзан ижодкорлик борасида оқсаётган бўлса-да, керакли паллада натижа кўрсатмоқда. Жамоанинг энг яхши тўпурари — Микел Оярзабал (4 та гол). Ёш иқтидор эгаси Ламин Ямал (ҳозирча 1 та гол) ўзидан кутилган ёрқин ўйинни тўлиқ намойиш қила олмаётган бўлса-да, рақиб ҳимоясини доимий босимда ушлаб турибди. Испания сафида ҳам жиддий йўқотишлар йўқ.

Испаниянинг эҳтимолий таркиби (4-2-3-1): Унаи Симон; Педро Порро, Пау Кубарси, Эмерик Лапорт, Марк Кукуреля; Родри, Педри; Ламин Ямал, Дани Олмо, Алекс Баена