Сўнгги йилларнинг ўқишга арзигулик 7 та энг яхши детектив романи

Сўнгги йилларда чоп этилган, ўқишга арзигулик 7 та энг яхши детектив роман

Детектив асарлар энг машҳур ва қизиқарли адабий жанрлардан биридир. Агар сиз аллақачон "Шерлок Ҳолмс саргузаштлари" ва Агата Кристи романларини ўқиб чиққан бўлсангиз, Соллидер нашри замонавий асарларга эътибор қаратишни тавсия этади. Нашр китобхонларни биринчи саҳифасидан то охиргисигача ўзига ром эта оладиган асарлар рўйхатини тақдим этди.

Рўйхатнинг биринчи ўрнини Энтони Горовицнинг "Ҳаккалар қотиллиги" китоби эгаллади. Ушбу асарда иккита тўлиқ тергов жараёни бир-бири билан чамбарчас боғланган. Биринчиси – таниқли детектив романлар муаллифи Алан Конуей томонидан ёзилган классик детектив ҳикоя. Иккинчи йўналиш эса муҳаррир Сюзан Райленд ҳақида бўлиб, у Конуейнинг қўлёзмаси устида ишлаётганда қотилнинг исми ошкор бўладиган сўнгги боблар йўқолиб қолганини пайқайди. Кўп ўтмай, ёзувчининг ўзи ҳам ўлик ҳолда топилади.

Нашрнинг таъкидлашича, "Ҳаккалар қотиллиги" романи Агата Кристи ижодига ҳурмат сифатида ёзилгандек туюлади, бироқ шу билан бирга у мутлақо мустақил асардир. Ушбу китоб детектив жанрининг энг кўп такрорланадиган йўналишларида ҳам ҳалигача янги ғоялар топиш мумкинлигини кўрсатиб беради.

Соллидер талқинига кўра, энг мукаммал деб топилган 7 та детектив китобнинг тўлиқ рўйхати қуйидагича:

1. "Ҳаккалар қотиллиги" (Магпие Мурдерс) – Энтони Горовиц, 2016-йил;

2. "Ўлик шерлар" (Деад Лионс) – Мик Геррон, 2013-йил;

3. "Бегона" (Тҳе Оуцидер) – Стивен Кинг, 2018-йил;

4. "Мовий қуш" (Блуебирд, Блуебирд) – Аттика Локк, 2017-йил;

5. "Ўрмон бағрида" (Ин тҳе Воодс) – Тана Френч, 2007-йил;

6. "Қорбола" (Тҳе Сновман) – Ю Несбё, 2007-йил;

7. "Сени кузатяпман" (Ватчинг Ёу) – Лиза Жуелл, 2016-йил.