Россияда Хитой автомобиллари сифациз бензин сабаб ишдан чиқмоқда

Россияда Хитой автомобиллари сифациз бензин туфайли носозликларга учрамоқда.

Россияда Ҳавал, Черй, Геелй, Чанган, Эхеед, Омода ва Жетоур каби Хитой автомобиллари эгалари ўз машиналарини оммавий равишда автосервисларга олиб бормоқда. Бу ҳақда Маш Телеграм канали хабар берди.

Шикоятлар “Евро-5” стандарти талабларига жавоб берадиган бензин учун мўлжалланган двигателлар ва ёнилғи тизимларининг ишдан чиқиши билан боғлиқ. Россия ҳукумати дрон ҳужумлари натижасида юзага келган ёқилғи инқирози сабабли “Евро-2” стандартидаги бензин ишлаб чиқаришга рухсат берган. Ҳозирда Хитой автомобилларига ҳам ушбу ёнилғи қуйилмоқда. Бундай бензин таркибидаги олтингугурт миқдори “Евро-5” стандартидаги бензинга нисбатан 50 баравар кўп бўлиши мумкин.

Бакларига “Евро-2” даражасидаги ёнилғи қуяётган россияликлар Хитой автомобилларининг замонавий двигателларидаги форсункалар ва ёнилғи насослари ишдан чиқишига дуч келмоқда. Бу эса датчикларда двигател хатолари пайдо бўлишига, автомобилнинг тортиш кучи пасайишига, двигателнинг қийин ўт олишига ва ёнилғи сарфининг ортишига олиб келмоқда. Шунга қарамай, айрим автомобил эгалари сифациз ёнилғидан фойдаланишда давом этиб, “машинани баттар ишдан чиқармоқда”.

Маш маълумотларига кўра, сўнгги пайтларда автосервисларга мурожаатлар сони ҳафтасига 1-2 тадан 7-10 тагача кўпайган. Таъмирлаш учун тахминан 15 минг рубл (2 млн сўмдан зиёд) сарфланмоқда. Баъзи ҳолларда қимматбаҳо эҳтиёт қисмларини тўлиқ алмаштиришга тўғри келмоқда.

5-август куни Энергетика вазирлиги Россия ҳукумати 2013-йилда тақиқланган, таркибида 1 килограмм ёнилғига 500 миллиграммгача олтингугурт бўлган “Евро-2” бензинини ишлаб чиқариш ва мамлакатга олиб киришга рухсат берганини маълум қилди. Рухсатнома 2027-йил 1-июлигача амал қилади ва “ички бозорни автомобил ёнилғиси билан барқарор таъминлаш ҳамда юзага келиши мумкин бўлган танқисликнинг олдини олишга” қаратилган.

Мутахассисларнинг фикрича, “Евро-2”даги олтингугуртнинг юқори миқдори силиндр-поршен гуруҳи, ёнилғи аппаратураси, мотор мойи, клапанлар ва форсункалар, шунингдек, каталитик нейтрализаторга зарар етказади.