“Реал” Винисиусга ултиматум қўйди — Марса

“Реал” Винисиусга якуний шарт қўйди — Марса

Мадриднинг “Реал” клуби раҳбарияти жамоа ҳужумчиси Винисиус Жуниорга шартномани узайтириш бўйича қатъий талаб қўйди. Марса нашрининг хабар беришича, бразилиялик футболчига вазият аниқ тушунтирилган: у ҳозир таклиф қилинган янги шартномани имзолаши керак, акс ҳолда жамоа унга бошқа бундай таклиф билан чиқмайди.

Агар вингер келишувни узайтиришдан бош торца, “қаймоқранглилар” раҳбарияти уни трансферга қўйиш ва сотиб юбориш вариантини жиддий кўриб чиқади. Таъкидланишича, ушбу вазиятни футболчига жиддий қизиқиш билдираётган Лондоннинг “Арсенал” клуби диққат билан кузатиб бормоқда. Агар вазият кутилганидек ривожланса, “тўпчилар” бразилиялик футболчига шартнома таклиф қилади.

Маълумот учун, Винисиус 2018-йилнинг ёзидан буён “Реал” шарафини ҳимоя қилиб келмоқда. Шу вақт ичида у барча турнирлар доирасида жами 375 та ўйинда майдонга тушиб, 128 та гол урган ва 100 та голли узатмани амалга оширган. Футболчининг Мадрид клуби билан амалдаги шартномаси 2027-йилнинг ёзига қадар мўлжалланган бўлиб, Трансфермаркт портали унинг ҳозирги бозор қийматини 140 миллион еврога баҳоламоқда.