Қозоғистонда хорижликларнинг мамлакатга кириши учун пулли электрон рухсатномалар жорий этиши мумкин
Қозоғистон хорижий фуқароларнинг мамлакатга кириши учун пуллик электрон рухсатномалар тизимини жорий этишни кўриб чиқмоқда.
Қозоғистон Ички ишлар вазирлиги (ИИВ) томонидан ишлаб чиқилган ва “Очиқ НҲҲ” порталида эълон қилинган қарор лойиҳаси хорижликлар учун пулли электрон кириш рухсатномаларини беришни назарда тутади. Ҳозирча ушбу рухсатномани олиш нархи аниқ эмас.
ИИВ лойиҳасида қайд этилишича, “тўловларни табақалаштириш” рақамли инфратузилмани сақлаш ва шахсий маълумотларни ҳимоя қилиш учун маблағ йиғиш имконини беради. Бироқ кутилаётган тўлов миқдори кўрсатилмаган. Пуллик электрон рухсатномаларни 2026-йилнинг августидан декабригача бўлган муддатда жорий этиш режалаштирилган.
Лойиҳада кириш рухсатномасини олиши керак бўлган хорижликлар тоифаси аниқ кўрсатилмаган, бу эса ушбу чеклов барча хорижий фуқароларга тегишли бўлмаслиги мумкинлигини тахмин қилишга асос беради. Ҳужжат муҳокамаси 17-августгача давом этади.
ИИВ лойиҳаси президентнинг миграция назоратини модернизация қилиш ва рақамлаштириш бўйича топшириғи доирасида ишлаб чиқилган. Июн ойида Қозоғистон президенти Қосим-Жўмарт Тўқаев миграция қонунчилигига ўзгартишлар киритиш тўғрисидаги қонунни имзолаган эди. Ушбу қонун электрон кириш рухсатномаларини жорий этишни расмийлаштирган.
Аввалроқ Путин Ўзбекистон ва Қозоғистон билан ҳарбий ҳамкорликни янгиламоқчи экани ҳақида хабар берилганди.