Ўзбекистон ва Покистон имтиёзли савдо режимини кенгайтиради
14 августдан О&лсқуо;збекистон ва Покистон қарийб 90 турдаги товар учун имтиёзли савдо режимини жорий этади. Божлар пасайтирилади.
Ўзбекистон ва Покистон имтиёзли савдо режимини кенгайтиради
Тошкент, Ўзбекистон (UzDaily.uz) — Ўзбекистон ва Покистон 2026-йил 14-августдан бошлаб имтиёзли савдо режими қўлланиладиган маҳсулотлар рўйхатини кенгайтиради. Бу ҳақда Ўзбекистон Президентининг 2026-йил 10-июлдаги қарори билан тасдиқланган тегишли протоколда белгиланган.
Ҳужжатга кўра, имтиёзли савдо режими қарийб 90 та товар позициясига татбиқ этилади. Бу икки давлат маҳсулотлари учун божхона божларини камайтириш ва савдо тартиб-таомилларини соддалаштиришни назарда тутади.
Ўзбекистонлик экспортчилар учун имтиёзлар мева-сабзавот ва озиқ-овқат маҳсулотларининг айрим турлари, ичимлик суви, тўқимачилик маҳсулотлари, ип-калава, трикотаж матолар, мисдан тайёрланган буюмлар, электротехника маҳсулотлари, дори воситалари ҳамда санитария-техника буюмларига нисбатан амал қилади.
Ушбу келишувнинг кенгайтирилиши Ўзбекистон корхоналарининг Покистон бозорига кириши, ўзаро савдо ҳажмини ошириш, инвестициявий ҳамкорлик ва саноат кооперациясини ривожлантириш учун қўшимча имкониятлар яратиши қайд этилган.
Инвестициялар, саноат ва савдо вазирлигига масъул идоралар билан биргаликда маҳаллий экспортчиларга янги савдо имтиёзларидан самарали фойдаланишлари учун кўмак бериш вазифаси юклатилди.