“Ўргимчак одам: Янги кун” филми бир ҳафтада йилнинг энг кассабоп филмига айланди

“Ўргимчак одам: Янги кун” филми бир ҳафта ичида 2026-йилнинг энг юқори даромад келтирган кинокартинасига айланди.

Сонй ва Марвел студиялари ҳамкорлигида яратилган ушбу филм премьерасидан кейинги дастлабки етти кун ичида 1,1 миллиард доллардан зиёд маблағ тўплаб, “Ўйинчоқлар тарихи 5” филмини ортда қолдирди.

Маълумотларга кўра, “Ўргимчак одам” сиквели АҚШ ҳудудида 449 миллион доллар, халқаро прокатда эса 706,3 миллион доллар даромад келтирган. Бу натижа Дисней компаниясининг июн ойидан бери 1 миллиард доллардан сал кўпроқ даромад олган “Ўйинчоқлар тарихи 5” филмининг сотув кўрсаткичларидан юқори бўлди.

Бундан ташқари, “Ўргимчак одам: Янги кун” бир қатор рекордларни ҳам ўрнатди: мамлакат прокатида сешанба куни 42 миллион доллар, душанба куни эса 47 миллион доллар тушум қайд этилди. Қўшма Штатлардаги кинотеатрлар тўрт кун ичида 400 миллион долларлик, олти кун ичида эса 1 миллиард долларлик чипта сотишга муваффақ бўлди. “Ўргимчак одам: Янги кун” Ўргимчак одам ҳақидаги аввалги барча филмларга қараганда бу марраларга энг тез эришган картина бўлди.