Океандан тортиб микроскопгача: Австралияда йилнинг энг яхши илмий суратлари эълон қилинди
Океандан микроскопгача: Австралияда йилнинг энг яхши илмий суратлари эълон қилинди
Мелбурн университети томонидан ташкил этилган биринчи Ленс оф Диссоверй фототанлови ғолиблари эълон қилинди. Ҳакамлар ҳайъати “билим уфқларини кенгайтирувчи” суратларни танлаб олди.
Танловга 200 дан ортиқ ариза келиб тушди. Финалчилар орасида микроскопик замбуруғ, кулгили қўнғир каттатумшуқ, хавфли океан ва олимлар ҳамда талабаларнинг бошқа кузатувлари акс этган суратлар мавжуд.
Томошабинлар эътирофи мукофоти (талабалар)
Сандида албисанс — одатда оғиз бўшлиғида яшайдиган ва ҳеч қандай муаммо келтириб чиқармайдиган кенг тарқалган замбуруғ. Бироқ, маълум шароитларда у ўз шаклини ўзгартиради. Суратда бу фарқ аниқ кўриниб турибди: бир томонда силлиқ, зич колониялар, иккинчи томонда эса тиканли, ипсимон тузилмалар. Айнан шу гифалар замбуруғнинг шиллиқ қаватга бирикиб олишига ёрдам беради.
СТЕМ мукофоти (талабалар)
Ушбу сурат Австралия ўсимликлари билан боғлиқ замбуруғлар хилма-хиллигига бағишланган докторлик тадқиқотининг бир қисмидир.
СТЕМ мукофоти (ходимлар)
Арид Ресоверй ташкилоти ходимлари Австралиядаги ҳашаротлар учун қўйилган тузоқларни текширмоқда. Бу маълумотлар экотизим ва иқлим ўзгаришларини кузатиб боришга ёрдам беради.
Қуйида танлов финалистларининг энг яхши суратларидан бир нечтасини тўпладик.