Ўзбекистон Садила Пҳармасеутисалс билан янги лойиҳаларни муҳокама қилди
Тиббиёт ва фармацевтика тармоғини ривожлантириш агентлиги директори Абдулла Азизовнинг Ҳиндистон Республикасига хизмат сафари доирасида мамлакатнинг етакчи фармацевтика компанияларидан бири — Садила Пҳармасеутисалс раҳбарияти билан учрашув бўлиб ўтди.
Ўзбекистон Садила Пҳармасеутисалс билан янги лойиҳаларни кўриб чиқди
Тошкент, Ўзбекистон (UzDaily.uz) —
Тиббиёт ва фармацевтика тармоғини ривожлантириш агентлиги директори Абдулла Азизовнинг Ҳиндистон Республикасига ташрифи давомида мамлакатнинг етакчи фармацевтика компанияларидан бири бўлган Садила Пҳармасеутисалс раҳбарияти билан учрашув ўтказилди.
Музокаралар давомида Ўзбекистонда замонавий фармацевтика ишлаб чиқариш қувватларини яратиш, дори воситалари ишлаб чиқаришни маҳаллийлаштириш, илғор технологияларни жорий этиш ва инвестиция лойиҳаларини амалга ошириш истиқболлари муҳокама қилинди.
Шунингдек, компания вакилларига "БиоПҳарма Ситй" фармацевтика кластерининг имкониятлари, хорижий инвесторлар учун яратилган қулай шарт-шароитлар, шунингдек, қўшма ишлаб чиқаришларни йўлга қўйиш ва юқори технологияли лойиҳаларни амалга ошириш учун тақдим этилаётган имкониятлар ҳақида батафсил маълумот берилди.
Томонлар "БиоПҳарма Ситй" доирасида қўшма лойиҳаларни амалга ошириш, ишлаб чиқариш инфратузилмасини ривожлантириш, халқаро сифат стандартларини жорий этиш ва технологиялар трансфери бўйича ҳамкорликни кенгайтириш юзасидан фикр алмашдилар.