Ногиронлик нафақаси учун пул олган шифокорлар фош этилди
Самарқанд ва Хоразм вилоятларида ногиронлик нафақасини расмийлаштириб беришни ваъда қилиб пул олган шифокорлар фош этилди. Уларга нисбатан фирибгарлик ва пора бериш билан боғлиқ моддалар асосида жиноят ишлари қўзғатилди.
**Ногиронлик нафақаси билан боғлиқ фирибгарликда айбланган шифокорлар фош этилди**
Бош прокуратура ҳузуридаги Департаментнинг Самарқанд тумани бўлими томонидан ўтказилган терговга қадар текширув натижасида, туман соғлиқни сақлаш бўлими марказий шифохонасининг бўлим шифокори И.А. фуқаро С.E.dan 2-гуруҳ ногиронлик нафақасини расмийлаштириб бериш эвазига 5 миллион сўм миқдорида пулни фирибгарлик йўли билан олганлиги аниқланди. Ушбу маблағнинг қайтарилиши процессуал тартибда расмийлаштирилди.
Шу билан бирга, Департаментнинг Боғот тумани бўлими томонидан ўтказилган тезкор тадбир давомида Ҳазорасп туман тиббиёт бирлашмаси шифокори К.Б. фуқаро Н.A.ga юқори лавозимдаги танишлари орқали 2-гуруҳ ногиронлик нафақасини олиб беришни ваъда қилган. У келишилган 300 АҚШ доллари эвазига 3,6 миллион сўм миқдоридаги пулни олаётган вақтида ашёвий далиллар билан қўлга олинди.
Мазкур ҳолатлар юзасидан Жиноят кодексининг 168-моддаси (фирибгарлик) ҳамда 28, 211-моддалари (пора бериш) билан жиноят ишлари қўзғатилган. Ҳозирда тергов ҳаракатлари давом этмоқда.