ЖЧ кундалиги. Франсия учун янги мураббий ва президент танқидига учраган бразиллар.
Биринчи яримфинал кутилмаларни оқлади..
ЖЧ кундалиги. Франсия учун янги мураббий ва президент танқидига учраган бразиллар.
Биринчи яримфинал кутилмаларни оқлади.
ЖЧ-2026 яримфиналидаги биринчи учрашувда Испания Франсия устидан ишончли ғалабага эришди (2:0). Луис де ла Фуенте шогирдлари биринчи бўлимда пеналти орқали ҳисобни очишди ва рақибга деярли ҳеч қандай имконият бермади, танаффусдан кейин эса ҳисобдаги устунликни мустаҳкамлашди.
Майдон ташқарисида ҳам қизиқарли воқеалар давом этмоқда: афсонавий франсуз футболчиси Зинедин Зидан миллий жамоа бошқарувида Диде Дешамнинг ўрнини эгаллаш учун асосий номзод сифатида кўрилмоқда, Бразилия президенти миллий жамоа футболчиларини турнирдан кейин ватанга қайтмагани учун танқид қилди, Норвегия миллий жамоаси форварди Эрлинг Ҳоланд эса Америкада шопинг қилди.
Франсия – Испания 0:2
Голлар: Ойярсабал, 22 – пеналти (0:1). Порро, 58 (0:2)
Франсия: Менян, Упамекано, Салиба (Лакруа, 30), Дин (Эрнандез, 72), Кунде, Тчуамени, Рабио (Коне, 46), Олисе (Шерки, 72), Барколя (Дуе, 57), Дембеле, Мбаппе
Испания: Симон, Ляпорт, Кубарси, Кукуреля, Порро (Лиоренте, 84), Руис (Мерино, 78), Родри, Олмо (Педри, 78), Баена (Уилямс, 84), Ямал, Ойярсабал (Торрес, 74)
Огоҳлантиришлар: Рабио, 9. Мбаппе, 86 - Кукуреля, 31
Франсия жаҳон чемпионатларида қаторасига учинчи бор финалга чиқиш вазифасини уддалай олмади. «Қизил фурия» турнирнинг асосий фаворитларидан бирини иложсиз аҳволда қолдирди ва финалга чиқди.
Де ла Фуенте шогирдлари илк дақиқаларданоқ биринчи рақам остида ҳаракат қилди. Испанлар кетма-кет ҳужумлар уюштирмади, аммо майдон марказида тўпни ишонч билан назорат қилишди ва франсуз ҳимоясидаги заиф нуқталарни қидириш билан машғул бўлишди. 20-дақиқада бу натижа берди: ҳимоячи Люка Дин ўз жамоаси жарима майдонида эҳтиёцизлик қилди ва тўп ўрнига Ламин Ямални тепиб юборди. Ўйин бош ҳаками дарҳол 11 метрлик нуқтани кўрсатди, Микел Ойярсабал эса пеналтини ишонч билан ижро этди.
«Учранглилар»нинг муаммолари шу билан тугамади. Кўп ўтмай марказий ҳимоячи Вилям Салиба белида кучли оғриқ ҳис қилиб, майдонни тарк этишга мажбур бўлди. Испанлар эса ҳисобни очганидан кейин ҳам ҳимояланиш ҳақида ўйламади ва вазиятлар яратишда давом этиб, иккинчи бўлимда ўз мақсадига етишди: Педро Порро Дани Олмо билан «девор» услубида ўйнаб, жарима майдонига кириб борди ва дарвозабонни доғда қолдирди.
Франсузлар эса шу куни турнирдаги энг ёмон ўйинини ўтказаётганди: тезкор ҳужумчиларнинг ҳужум қилишга уринишлари самара бермади, Килиан Мбаппе мунтазам равишда офсайд қопқонига тушиб қолди, Дешамнинг футболчи алмаштиришлари ҳам ёрдам бермади. Франсузлар ўйиннинг сўнгги ўн дақиқалигида штурм уюштиришга ҳаракат қилди ва илк бор (бу оралиқда жами уч марта) тўп дарвоза соҳасига тўғри борди, аммо бу ҳужумлар ҳисобни ҳеч бўлмаганда қисқартириш учун ҳам етарли бўлмади.
Испания икки тўп фарқини сақлаб қолди ва ўз тарихида