Испания миллий жамоаси тарихий рекорд ўрнатди

Испания миллий жамоаси тарихий рекорд ўрнатди

Испания миллий жамоаси 2026-йилги Жаҳон чемпионати яримфиналида Франсияни 2:0 ҳисобида мағлуб этиб, ўзига хос рекорд ўрнатди. Опта Спорц статистик портали ма'лумотларига кўра, Испания йирик халқаро турнирлар (Жаҳон ва Европа чемпионатлари) плей-офф босқичида кетма-кет саккизта ўйинда ғалаба қозонган тарихдаги биринчи Европа терма жамоасига айланди.

Луис де ла Фуенте шогирдларининг ушбу ноёб серияси Евро-2024 турниридан бошланган. Ўша мусобақанинг плей-офф босқичида испанлар кетма-кет Грузия (4:1), Германия (2:1), Франсия (2:1) ва Англия (2:1) терма жамоаларидан устун келган эди.

Ҳозирда давом этаётган ЖЧ-2026 мусобақасида эса Испания плей-офф баҳсларида мос равишда Австрия (3:0), Португалия (1:0), Белгия (2:1) ва кечаги ярим финалда Франсия (2:0) терма жамоаларини мағлубиятга учратди.

Маълумот учун, ЖЧ-2026 нинг ҳал қилувчи финал баҳсида Испания Англия ёки Аргентина терма жамоалари ўртасидаги учрашув ғолибига қарши майдонга тушади. Беллашув 19-июлдан 20-июлга ўтар кечаси бўлиб ўтади.