Инфантино ўз лавозимини сақлаб қолиш учун Оқ уйдан ёрдам сўрамоқда

Инфантино лавозимини сақлаб қолиш мақсадида Оқ уйдан кўмак сўрамоқда

ФИФА президенти Жанни Инфантино ўз лавозимини сақлаб қолиш илинжида Трамп маъмуриятидан ёрдам кутмоқда. У бугун, 3-август куни АҚШ Давлат котиби Марко Рубио билан учрашув ўтказади. Бу ҳақда Нев Ёрк Пост нашри ўз манбаларига таяниб хабар берди.

"У Давлат котиби билан боғланиб, футбол Американинг юмшоқ кучи таркибига кириши мумкинлиги ҳақида суҳбатлашмоқчи эканлигини билдирган. Аммо ҳаммамизга аёнки, бу учрашувдан кўзланган асосий мақсад – ўз лавозимини сақлаб қолиш учун Оқ уйдан ёрдам сўраш. Ҳозирги вазиятда бошқа гапга ўрин ҳам йўқ", – деди манбалардан бири нашрга.

Жанни Инфантино Жаҳон чемпионатининг тижорий ҳуқуқларидаги улушини хусусий инвесторларга сотишни таклиф қилганидан сўнг жиддий танқидларга учради. Кўплаб конфедерациялар бу ғояга қарши чиқди. УЕФА эса Жаҳон чемпионатини бойкот қилиш билан таҳдид қилди. Кейинчалик Инфантино ўз режасидан воз кечишга мажбур бўлди.

Шундан сўнг, ФИФА Кенгаши аъзолари Инфантинога нисбатан мустақил текширув ўтказишни талаб қилаётгани маълум бўлди. Агар Инфантино мустақил текширув ўтказишга рухсат беришдан бош торца, кенгашнинг айрим аъзолари унинг истеъфосини талаб қилишлари мумкинлиги айтилган.