ФИФА президенти янги компанияда йилига 30 миллион доллар маош олишни режа қилган — Тҳе Тимес

ФИФА президенти Жанни Инфантино ўзининг президентлик муддати якунига етганидан сўнг янги ташкил этиладиган компанияда йилига 30 миллион доллар маош олишни режалаштирган эди. Бу ҳақда Тҳе Тимес нашри хабар берди.

Инфантино ФИФА Форвард Энтерприсе комиссари лавозимини эгаллашни кўзда тутган. Унинг асосий мақсади Жаҳон чемпионати каби бир қанча турнирларни ўтказиш ҳуқуқини ва ташкилотдаги улушини ташқи инвесторларга сотиш бўлган. Тҳе Тимес мухбири Мартин Зиглернинг ижтимоий тармоқлардаги хабарига кўра, бу лавозимдаги унинг асосий маоши, бонусларни ҳисобга олмаганда, йилига 30 миллион долларни ташкил этиши кутилган эди.

Бироқ, Инфантинонинг бу режаси амалга ошмади. Унинг ташаббуси турли конфедерацияларнинг норозилигига сабаб бўлди. Ҳатто УЕФА Жаҳон чемпионатини бойкот қилиш билан таҳдид қилди.

Буюк Британия бош вазири Энди Бёрнем эса Жаҳон чемпионати сотиладиган товар эмаслигини, футбол амалдорларга эмас, балки мухлисларга ва халққа тегишли эканлигини таъкидлади.