Ҳайрон қоласиз: севимли егуликларимиз аслида нимадан тайёрланишини биласизми?

Ҳайратланарли: севимли таомларимиз аслида нимадан тайёрланишини биласизми?

Вақти-вақти билан ўзингизни ширинликлар билан сийлаш ёқимли, албатта. Ҳаммамизнинг севимли таомларимиз бор, лекин тан олиш керак: улар аслида нимадан тайёрлангани ҳақида деярли ўйламаймиз.

**Нутелла**

Нутелланинг асосий таркибий қисмлари шакар ва палма ёғи бўлиб, улар маҳсулотнинг 50 фоиздан ортиғини ташкил қилади. Бундан ташқари, пастада 13 фоиз ўрмон ёнғоғи, 7,4 фоиз какао ва 8,7 фоиз ёғсиз сут мавжуд. Кўплаб мамлакатларда Нутелла ўрмон ёнғоғидан тайёрланган крем сифатида сотилади. Аммо уни шоколад пастаси деб бўлмайди, чунки таркибида какао кукуни жуда кам.

**Донуц**

Аминокислота Л-систеин (Э920) ўрдак патлари ёки инсон сочидан олинадиган озиқ-овқат қўшимчасидир. Систеин пишириқларда ишлатилади, чунки у хамирга эластиклик ва юмшоқлик беради. Донуц, симит ёки пицсалар таркибида кимёвий ишлов берилган пат ёки сочлар бўлиши мумкин. Шу билан бирга, систеин ҳар доим ҳам қадоқда кўрсатилмайди.

**Сақич**

Сақич асос, таъм берувчи, юмшатувчи моддалар, ароматизаторлар, ранглар ва қаттиқ ёки кукунли полиол қопламасидан иборат. Сақич асоси полимер, пластификатор ва қатронлардан ташкил топган. Полимерлар эластиклик ва ёпишқоқлик учун, пластификаторлар пластиклик учун, қатронлар эса чайнаш хусусиятлари учун жавобгардир.

**Донли нонушталар**

Ионол (бутилгидрокситолуол) — бу самолёт ёнилғиси, мойлаш материаллари ва нонушта донларини ишлаб чиқаришда антиоксидант сифатида ишлатиладиган органик модда ҳисобланади. Олимларнинг таъкидлашича, бундай донларда учрайдиган мазкур кимёвий модда овқат ҳазм қилиш тизимининг мияга организм тўйгани ҳақидаги сигналига халақит бериши мумкин. Бу ортиқча овқатланишга олиб келади.

**Сосискалар**

Арзон сосискаларда тумшуқ, туёқ ва бошқа қолдиқлар борлиги ҳақидаги миш-мишлар рад этилган. Қўшимча маҳсулотларнинг мавжудлиги таркибда кўрсатилиши керак. Сосиска кўпинча гўшт ва қийма қолдиқларидан тайёрланади. Баъзи сосиска таркибий қисмлари буғдой ёки гуруч уни, маҳсулотнинг оғирлигини ошириш учун сув, консервантлар ва таъм кучайтиргичлардан иборат бўлади. Сосиска пўстлоғи ҳайвонларнинг ичакларидан ёки сигир ва чўчқа териси коллагенидан (арзонроқ сосиска ишлаб чиқариш учун) тайёрланади.

**Кетчуп**

Кетчупнинг асосий таркибий қисмлари помидор, ширин маза берувчилар, сирка, туз, зираворлар, ароматизаторлар, пиёз ва саримсоқдир. Ширин маза берувчилар одатда шакарқамиш ёки лавлаги шакаридир. Бошқа ширин маза берувчилар маккажўхори ёки глюкоза сиропи шаклида декстроз ёки суюқ шакарни ўз ичига олади. Турли хил кетчуп маркалари ўхшаш формулаларга эга бўлиб, улар асосан зиравор ёки хушбўй моддалар миқдори билан фарқланади. Қуюқлиги помидор шарбатига нисбатан шакар ва зираворларнинг юқори нисбатига боғлиқ.

**Шоколадли сут**

Шоколадли сут, музқаймоқнинг баъзи турлари, пудинглар ва ёгуртда кўпинча қизил сув ўтлари кукуни бўлган карагенан мавжуд. Маҳсулот ёғ ва калория миқдорини оширмасдан, бошқа ингредиентларни бириктиради. Сабзавотга асослангани учун маркировкалаш учун қулай: денгиз ўтлари назарий жиҳатдан органикдир. Бироқ сўнгги йиллардаги тадқиқотлар шуни кўрсатадики, каррагенан овқат ҳазм қилиш тизимига зарарли бўлиши мумкин. Эҳтимол, яқин келажакда у органик деб ҳисобланмайди ва уни ишлатиш сезиларли даражада камаяди.

**Принглес**

Кўпчилик Принглесъни махсус усулда кесилган ва ёғда қовурилган картошка деб ўйлайди. Аслида бу чипслар 42 фоиз картошкадан иборат холос. Қолгани сув ва крахмалли ун. Ингредиентлар прессланади ва думалоқ чипслар тайёрланади.

**Фунчоза**

Албатта, бундай лапшалар сабзавотли крахмалдан, кўпинча мунг ловиясидан, камдан кам ҳолларда ширин картошка ёки нўхатдан тайёрланади.