Дунёдаги энг йирик олтин ва кумуш захиралари қайси давлатларда?.
АҚШ Геология хизмати (УСГС)нинг Минерал Соммодитй Суммариес 2026 ҳисоботи асосида тайёрланган янги рейтингда дунёдаги энг йирик олтин, кумуш ва платина гуруҳи металлари захираларига эга давлатлар маълум қилинди. Таҳлил ушбу стратегик аҳамиятга эга қазилма бойликларнинг жаҳон бўйлаб қандай тақсимланганини кўрсатади..
Дунёдаги энг катта олтин ва кумуш захиралари қайси давлатларда жойлашган?
АҚШ Геология хизмати (УСГС) томонидан тайёрланган Минерал Соммодитй Суммариес 2026 ҳисоботига асосланган янги рейтингда дунёдаги энг катта олтин, кумуш ва платина гуруҳи металлари захираларига эга бўлган давлатлар э'лон қилинди. Ушбу таҳлил стратегик аҳамиятга эга қазилма бойликларнинг жаҳон бўйлаб қандай тақсимланганини кўрсатади.
Мутахассислар та'кидлашича, қимматбаҳо металлар нафақат инвестиция воситаси сифатида, балки саноат, электроника, тиббиёт ва "яшил" энергетика учун ҳам муҳим хомашё ҳисобланади. Олтин ан'анавий равишда капитални сақлаш воситаси сифатида қаралса, кумуш ва платина гуруҳи металлари юқори технологияли ишлаб чиқариш соҳаларида кенг қўлланилади.
Олтин захирасида Австралия етакчилик қилади
Ҳисоботга кўра, Австралия 13 минг тонна разведка қилинган захира билан дунёдаги энг катта олтин захирасига эга мамлакатдир. Бу жаҳон олтин захираларининг қарийб бешдан бир қисмини ташкил этади.
Иккинчи ўринни Россия 12 минг тонна билан эгаллаган. Бир вақтлар олтин қазиб чиқариш бўйича мутлақ етакчи бўлган Жанубий Африка Республикаси эса ҳозир учинчи ўринга тушиб қолган.
Австралия ва Россия дунёдаги олтин захираларининг қарийб 40 фоизини ташкил этади. Марказий банклар томонидан олтин харидларининг ортиши ва янги конлардаги металл миқдорининг камайиши шароитида бу захиралар янада стратегик аҳамият касб этмоқда.
Кумуш бўйича Перу биринчи ўринда
Разведка қилинган кумуш захиралари бўйича Перу 110 минг тонна билан етакчилик қилмоқда. Кейинги ўринларда Россия ва Австралия жойлашган.
Мутахассислар та'кидлашича, олтиндан фарқли равишда кумуш захиралари бир ёки икки давлатда жамланмаган. Дунёдаги кумуш захираларининг тахминан учдан икки қисми биринчи бешликка кирган давлатлар ҳиссасига тўғри келади.
Кумуш асосан қуёш панеллари, электроника ва турли саноат маҳсулотларини ишлаб чиқаришда қўлланилади. Қайта тикланувчи энергия манбалари ривожланиши билан ушбу металлга бўлган талаб янада ортиши кутилмоқда.
Платина гуруҳи металлари ЖАРда тўпланган
Платина гуруҳи металлари захиралари жаҳон бўйлаб анча нотекис тақсимланган. Ҳисоботга кўра, Жанубий Африка Республикаси ушбу металлар разведка қилинган захираларининг тахминан 83 фоизига эга бўлиб, мутлақ етакчи ҳисобланади.
ЖАР ва Россиядан ташқари бошқа мамлакатларда платина гуруҳи металлари захиралари нисбатан кам. Бу эса жаҳон та'минот занжирини айрим давлатлардаги ҳар қандай узилишларга сезгир қилиб қўяди.
Платина гуруҳи металлари орасида платина, палладий, родий, иридий, осмий ва рутений мавжуд. Ушбу металлар автомобил каталитик нейтрализаторлари, электрон қурилмалар, заргарлик буюмлари, тиббий ускуналар ва келажак энергетикасининг муҳим йўналишларидан бири ҳисобланган водород ёқилғи элементларини ишлаб чиқаришда қўлланилади.