Бодибилдер, актёр, губернатор: Арнолд Шварсенеггер ҳақида 7 қизиқарли факт
Бодибилдер, актёр ва губернатор Арнолд Шварсенеггер ҳақида 7 та қизиқарли маълумот
Актёр Арнолд Шварсенеггер 2026-йилда 79 ёшни қаршилайди. У ўз ҳаёти давомида бодибилдинг афсонаси, Голливуд юлдузи ва Калифорния губернатори сифатида тарихга кирди. Қуйида актёрнинг муваффақият йўлини очиб берувчи қизиқарли фактлар билан танишинг.
**Катта ғалабасини кинодан анча олдин қўлга киритган**
Арнолд Шварсенеггер спорт машқларига ўсмирлик давридаёқ қизиқа бошлаган. У 20 ёшида ўша пайтдаги энг ёш “Мр. Универсе” ғолибига айланди, кейинчалик эса “Мр. Олймпиа” унвонини етти марта қўлга киритди. Айнан бодибилдингдаги муваффақиятлари унга кино оламига йўл очди.
Спортдаги ютуқлари Шварсенеггерни машҳур филмларда суратга тушишидан аввал ҳам дунёга танитган. “Пумпинг Ирон” ҳужжатли филми миллионлаб томошабинларни унинг харизматик шахси билан таништирди ва актёрлик фаолиятининг бошланишига туртки бўлди. Шундан сўнг режиссёрлардан таклифлар мунтазам кела бошлади.
**Голливуд бўлажак юлдузга дарҳол ишонмаган**
Фаолиятининг бошида продюсерларни актёрнинг кучли австрияча аксенти, талаффуз қилиш қийин бўлган фамилияси ва ноодатий ташқи кўриниши хавотирга солган. Ҳатто унга тахаллус олиш ва кўп гапирадиган роллардан воз кечиш тавсия этилган. Аммо Шварсенеггер на исмини, на нутқ услубини ўзгартиришга рози бўлган.
Бурилиш нуқтаси “Конан — варвар” филми бўлди. Шундан кейин у “Терминатор” филмида бош ролни ижро этди. Жеймс Кемерон суратга олган ушбу картина уни жаҳон юлдузига айлантирди, “Мен қайтаман” ибораси эса кино тарихидаги энг машҳур иқтибослардан бирига айланди.
**Кино билан чекланиб қолмаган**
2003-йилда Шварсенеггер Калифорния губернатори этиб сайланди ва 2011-йилгача икки муддат ушбу лавозимда ишлади. Шу тариқа у сиёсатда ҳам катта муваффақиятга эришган саноқли актёрлардан бирига айланди. Ваколат муддати якунлангач, у яна кино ва жамоатчилик фаолиятига қайтди.
Арнолд бир неча бор АҚШ унга ёшлигида тасаввур ҳам қилмаган имкониятларни берганини таъкидлаган. У 1983-йилда АҚШ фуқаролигини олган, шу билан бирга Австрия фуқаролигини ҳам сақлаб қолган. Унинг муҳожирликдан дунё миқёсидаги муваффақиятгача бўлган йўли Голливуддаги энг илҳомлантирувчи ҳикоялардан бири ҳисобланади.
**Муваффақиятли тадбиркор ҳам**
Сиёсатга киришидан анча олдин Шварсенеггер кўчмас мулк ва турли тижорат лойиҳаларига сармоя киритишни бошлаган. Шу туфайли у филмлардан оладиган гонорарларидан ташқари катта бойлик тўплашга муваффақ бўлди. Бу эса унга молиявий босимсиз, ўзи истаган ролларни танлаш имконини берган.
Бугунги кунда ҳам Арнолд филмлар ва сериалларда суратга тушмоқда, китоблар ёзмоқда, соғлом турмуш тарзи ҳақидаги оммабоп ахборот бюллетенини юритмоқда ҳамда хайрия лойиҳаларида фаол иштирок этмоқда. 79 ёшга тўлган куни эса мухлислари учун бир йиллик бепул фитнес дастурини ишга туширди. Бу эса унинг учун ёш шунчаки рақам эканини яна бир бор исботлайди.