Бахтиёр Саидов Туркманистон президенти билан учрашди.
Ўзбекистон ташқи ишлар вазири Бахтиёр Саидов Ашхободга ташрифи доирасида Туркманистон президенти Сердар Бердимуҳамедов билан учрашди. Мулоқотда икки мамлакат ўртасидаги стратегик шерикликни мустаҳкамлаш, савдо-иқтисодий ҳамкорликни кенгайтириш ва кўп асрлик дўстлик муносабатларини янада ривожлантириш масалалари муҳокама қилинди..
Бахтиёр Саидов Туркманистон президенти билан учрашди. Ўзбекистон ташқи ишлар вазири Бахтиёр Саидов Ашхободга қилган ташрифи доирасида Туркманистон президенти Сердар Бердимуҳамедов билан мулоқот қилди. Учрашувда икки мамлакат ўртасидаги стратегик шерикликни мустаҳкамлаш, савдо-иқтисодий ҳамкорликни кенгайтириш ва кўп асрлик дўстлик алоқаларини янада ривожлантириш масалалари муҳокама қилинди.
«Дунё» ахборот агентлиги хабарига кўра, учрашувда Бахтиёр Саидов Туркманистон президентига Ўзбекистон президенти Шавкат Мирзиёевнинг самимий саломларини ва эзгу тилакларини етказди.
Ташқи ишлар вазири ўзининг Телеграм-каналида маълум қилганидек, музокаралар давомида Ўзбекистон ва Туркманистон ўртасидаги стратегик шериклик муносабатларининг изчил ривожланаётгани алоҳида таъкидланди.
Томонлар барча даражалардаги яқин ва самарали мулоқотлар давом этаётганини, шунингдек, икки давлат ўртасидаги товар айирбошлаш ҳажми барқарор суръатларда ўсиб бораётганини таъкидлади.
Учрашувда Ўзбекистон ва Туркманистон ўртасидаги кўп асрлик дўстлик, яхши қўшничилик ва ўзаро ишончга асосланган муносабатларни янада чуқурлаштириш, мавжуд ҳамкорлик йўналишларини кенгайтириш бўйича қўшма саъй-ҳаракатларни давом эттириш масалалари муҳокама қилинди.