“Барселона” Алваресни қўлга киритишнинг янги усулини топди

"Барселона" Алваресни қо'лга киритиш учун янги стратегия ишлаб чиқди

"Барселона" Мадриднинг "Атлетико" клуби ҳужумчиси Хулиан Алваресни трансфер қилиш бо'йича дастлабки режасини о'згартирди. АС нашрининг хабар беришича, каталонияликлар спорт директори Декунинг футболчи агенти Фернандо Идалго билан учрашувидан со'нг, клуб матбуот орқали босим о'тказишдан воз кечган.

Аввалроқ, Алварес 2026-йилги Жаҳон чемпионатида журналистлар билан суҳбат чог'ида "орзусини амалга ошириш истаги" борлигини айтиб, клубидан уни трансфер қилишни очиқчасига со'раган эди. Эндиликда эса томонлар ёпиқ музокараларга о'тмоқда.

Ҳужумчи "Атлетико" билан машг'улотларни давом эттиради ва ОАВга ҳеч қандай изоҳ бермайди. Алварес бош мураббий Диего Симеоне ҳамда Мадрид клуби раҳбариятини уни қо'йиб юборишга шахсий тарзда ишонтирмоқчи. Аргентиналик футболчи клуб раҳбарларига аввалроқ берган ва'дасини эслатишни режалаштирмоқда. Унга ко'ра, "Атлетико"га муносиб таклиф тушса, трансферга розилик берилиши мумкин. Алварес эса фақат "Барселона"га о'тиш вариантини ко'риб чиқмоқда.

"Матрасчилар" раҳбарияти ҳамон асосий ҳужумчисини қо'йиб юборишга қарши. Музокараларни жойидан силжитиш учун каталонияликлар трансфер буджетини сезиларли даражада оширишга тайёр:

* "Барселона"нинг дастлабки таклифи 100 миллион евродан кам бо'лган;

* Кейинчалик таклиф 100 миллион еврогача оширилган;

* Ҳозирги янгиланган таклиф эса 120 миллион еврога баҳоланмоқда.

Энди Мадрид клуби раҳбарияти "Барселона"га о'тишни расман со'раган қимматбаҳо футболчини жамоада сақлаб қолиш керакми ёки ё'қ, деган масалани ҳал қилиши керак.

Эслатиб о'тамиз, Алварес 2024-йилда "Манчестер Сити"дан "Атлетико"га о'тган ва Мадрид клуби билан олти йиллик шартнома имзолаган. Трансфер қиймати 75 миллион еврони ташкил этган, яна 20 миллион евро бонуслар сифатида белгиланган.