“Арсенал” “Барселона” нишонидаги футболчини сотиб олмоқчи — Тҳе Индепендент

“Арсенал” “Барселона” нишонидаги футболчини сотиб олмоқчи — Тҳе Индепендент

Лондоннинг “Арсенал” клуби “Атлетико” ҳужумчиси Хулиан Алвареснинг трансферини тезда якунлашни режалаштирмоқда. Тҳе Индепендент нашрининг ма'лум қилишича, лондонликлар бу келишувни жамоанинг мавсумолди йиғинлари бошланишидан олдин расмийлаштиришни мақсад қилган.

Манбага кўра, “канонирлар” аргентиналик футболчи учун 105 миллион евро тўлашга тайёр. Бироқ, Мадрид клуби форвардни 117 миллион еврога баҳоламоқда. “Арсенал” номидан музокараларни жамоа спорт директори Андреа Берта олиб бормоқда, у аввал “Атлетико” тизимида ишлаган. Шу сабабли, ушбу трансфернинг амалга ошиш эҳтимоли юқори баҳоланмоқда.

Алвареснинг ўзи Испанияда қолишга қарши эмас эди. Шунинг учун унинг атрофидаги вазиятни “Барселона” ва “Реал” клублари диққат билан кузатиб борди. Каталонияликлар аргентиналик ҳужумчини ўз сафига қўшиш учун бир неча бор таклифлар юборган, аммо “Атлетико” ички чемпионатдаги рақобатчиларини кучайтиришни хоҳламайди. Шунинг учун уларнинг таклифи рад этилган.

Эслатиб ўтамиз, 2024-йилда “Атлетико” 26 ёшли аргентиналикни “Манчестер Сити”дан 75 миллион евро эвазига сотиб олган эди. 2025/2026-йилги мавсумда ҳужумчи мадридликлар сафида 49 та ўйинда майдонга тушиб, 20 та гол ва 9 та голли узатма қайд этган.