АҚШда эркак самолётда бомба портлатиш билан таҳдид қилди
АҚШда бир киши самолётда бомба портлатиш билан таҳдид қилгани учун ҳибсга олинди. Бу ҳақда СБС Невс Жорж Буш номидаги халқаро аеропорт маъмуриятига таяниб хабар берди.
Воқеа Техас штатининг Хюстон шаҳридаги аеропортда юз берган. Фронтиер Аирлинес авиакомпаниясининг 1958-рейси Детройтга учиш учун дарвозадан жўнаб кетишга тайёрланаётган эди. Шу пайт самолёт бортидаги йўловчилардан бири оғзаки равишда бомба портлатиш билан таҳдид қилган.
Шундан сўнг самолётдаги барча одамлар зудлик билан эвакуация қилинди. Хюстон полиция департаменти ходимлари воқеа жойига етиб келиб, самолётни текширишди, аммо ҳеч қандай шубҳали нарса топишмади. Гумонланувчи қўлга олинди, бироқ унинг шахси ҳақида қўшимча маълумотлар ошкор этилмади.
Аеропорт маъмурияти хабарида айтилишича, “Аеропорт одатдагидек режимда ишлашда давом этмоқда. Саёҳатчилар парвозлар ҳақида маълумот олиш учун Фронтиер Аирлинес билан боғланиши керак”.
Эслатиб ўтамиз, май ойида СунЕхпресс авиакомпаниясининг самолёти портловчи қурилма ҳақидаги ёлғон хабар туфайли Лондонга фавқулодда қўнган эди. 2025-йил апрел ойида Флорида халқаро аеропорти Аллегиант лайнери бортида портлаш хавфи туфайли ўз фаолиятини тўхтатган. 2024-йилнинг кузида эса Ҳиндистондан учган йўловчи самолёти худди шундай аноним қўнғироқ туфайли Туркияда мажбурий қўнишни амалга оширганди.