Ishlab chiqarish korxonalarining soliq qarzi 2,2 trln soʻmdan oshdi
Davlat soliq qoʻmitasi maʼlumotlariga koʻra, 2026 yil 1 iyul holatida soliq qarzi 100 mln soʻmdan yuqori boʻlgan ishlab chiqarish korxonalari soni 1 343 tani tashkil etgan. Ularning jami soliq qarzi 2,2 trln soʻmga yetgan. Shundan 528,9 mlrd soʻmi, yaʼni umumiy qarzdorlikning 24 foizi soliq qarzi...
Ishlab chiqarish korxonalarining soliq qarzi 2,2 trln soʻmdan oshdi. Davlat soliq qoʻmitasining maʼlumotlariga koʻra, 2026 yil 1 iyul holatida soliq qarzi 100 mln soʻmdan yuqori boʻlgan ishlab chiqarish korxonalari soni 1 343 tani tashkil etgan. Ularning umumiy soliq qarzi 2,2 trln soʻmga yetgan.
Shundan 528,9 mlrd soʻm, yaʼni umumiy qarzdorlikning 24 foizi soliq qarzi eng yuqori boʻlgan 10 ta korxona hisobiga toʻgʻri keladi. Bu esa yirik qarzdorlarning umumiy koʻrsatkichda salmogʻi yuqori ekanini koʻrsatadi.
Eng katta soliq qarziga ega korxonalar roʻyxatida «Silikon Color» MCHJ birinchi oʻrinni egallagan. Keyingi oʻrinlarda «Eyvalek-Technology» MCHJ va «Elite Handel Invest» MCHJ joylashgan.
Viloyatlar boʻyicha tahlilga koʻra, ishlab chiqarish korxonalarining soliq qarzi eng yuqori hajmda Andijon viloyatida qayd etilgan. Bu hududda qarzdorlik 502,5 mlrd soʻmni tashkil qilgan.
Ikkinchi oʻrinda Toshkent viloyati 425,5 mlrd soʻm bilan qayd etilgan boʻlsa, Toshkent shahrida mazkur koʻrsatkich 242,8 mlrd soʻmga yetgan.
Keyingi oʻrinlarda Jizzax, Fargʻona, Surxondaryo va Qoraqalpogʻiston Respublikasi joylashgan. Eng past koʻrsatkichlar esa Qashqadaryo va Xorazm viloyatlarida qayd etilgan.