Zangiota tumanida energiyani saqlash tizimi ishga tushirildi
Toshkent viloyatida 85 million dollarlik xorijiy investitsiyalar hisobiga amalga oshirilgan, quvvati 175 MVt boʻlgan elektr energiyasini saqlash tizimi tarmoqqa ulandi.
Zangiota tumanida energiyani saqlash tizimi ishga tushirildi
4 sentyabr kuni Toshkent viloyatining Zangiota tumanida quvvati 175 MVt va sigʻimi 350 MVt·soat boʻlgan energiyani saqlash tizimi elektr tarmogʻiga ulandi. Loyiha qiymati 85 million dollarni tashkil etadi, u xorijiy investitsiyalar hisobidan amalga oshirildi, deb xabar beradi Oʻzbekiston Energetika vazirligi.
Ulanish kuni obʼyektga energetika vaziri Sherzod Xoʻjayev tashrif buyurdi. U energiyani saqlash tizimini ishga tushirish va uni tarmoqqa ulash jarayoni bilan tanishdi.
Hozirgi vaqtda tizim allaqachon elektr tarmogʻiga ulangan. Obʼyektning toʻliq quvvat bilan ishlashi sentyabr oyi oxirigacha rejalashtirilgan.
Yangi tizim yuqori yuklanish davrida elektr tarmogʻi ishining barqarorligini oshirishga moʻljallangan. Toʻplangan elektr energiyasidan kuniga ikki marta — har safar ikki soat davomida foydalanish mumkin boʻladi.
Tizimning quvvati 175 MVt, sigʻimi esa 350 MVt·soatni tashkil etadi.
Energetika vazirligi maʼlumotlariga koʻra, talab yuqori boʻlgan soatlarda toʻplangan energiyadan foydalanish elektr tarmogʻi ishini barqarorlashtirish imkonini beradi.