Yozgi amaliyotdan birinchi ishgacha: Junior TBC Explorers yoshlarga karera boshlashda qanday yordam bermoqda?
Ulugʻbekning TBC Uzbekistan’dagi yoʻli 2024-yilda Client Operations jamoasida bir oylik yozgi amaliyotdan boshlangan. Keyinchalik amaliyot muddati yana bir oyga uzaytirildi va dastur yakunlangach, Ulugʻbek jamoada ishlashda davom etdi. Operatsion jarayonlarda tajriba orttirgach, u biznes-tahlil yoʻnalishiga oʻtdi.
Yozgi amaliyotdan birinchi ishgacha: Junior TBC Explorers yoshlarga karera boshlashda qanday yordam bermoqda?
Bugun Ulugʻbek biznes-analitika yoʻnalishida faoliyat yuritadi, biroq u aynan amaliyotni oʻz professional yoʻlining boshlanishi deb hisoblaydi.
“Menga eng koʻp yoqqani - ishdagi samimiy muhit va seni darhol real vazifalarga jalb qilishlari boʻldi. Haqiqatdan uzoq, shunchaki oʻquv uchun beriladigan topshiriqlar yoʻq. Dastlabki haftalardanoq haqiqiy jarayonlar va jamoa bilan ishladim. Amaliyot men uchun burilish nuqtasiga aylandi: aynan shu yerda jarayonlar ichkaridan qanday ishlashini tushundim, tizimli fikrlashni va operatsion jarayonlar bilan biznes oʻrtasidagi bogʻliqlikni koʻrishni oʻrgandim”, - deydi Ulugʻbek.
Yozgi Internship dasturi professional tajribaga ilk qadam boʻlishi mumkinligini koʻrsatadigan misollardan biridir.
Junior TBC Explorers Internship dasturini uchinchi yildirki oʻtkazib kelmoqda. Dastur jamoa aʼzolarining 16–22 yoshdagi farzandlari va yaqin qarindoshlari uchun moʻljallangan boʻlib, yoz oylarida kompaniya ofisida oʻtkaziladi.
Uch yil davomida dasturda 130 dan ortiq yoshlar ishtirok etdi. 2024-yilda 45 kishi, 2025-yilda 42 kishi amaliyot oʻtadi. 2026-yilda ham dasturda 49 nafardan ortiq amaliyotchi qatnashdi.
Ishtirokchilar bir oy davomida turli jamoalarning ish jarayonlariga qoʻshiladi. Ular qiziqishlari, taʼlim yoʻnalishi va biznes ehtiyojlari hisobga olingan holda jamoalarga taqsimlanadi. Alohida oʻquv topshiriqlari oʻrniga amaliyotchilar ish jarayonlari ichidan qanday tashkil etilganini koʻrish, muayyan yoʻnalishda oʻzini sinab koʻrish va mentor bilan birga ishlash imkoniyatiga ega boʻladi.
Bu esa professional faoliyat boshida “tanlagan yoʻnalishim haqiqatan ham menga mosmi?” degan muhim savolga javob topishga yordam beradi.
Nursulton amaliyotga kompyuter injiniringi yoʻnalishidagi bilimlari bilan kelgan. Dastlab u texnik yoʻnalishda ishlashni kutgan edi, biroq amaliyot davomida tadqiqot jamoasiga qoʻshildi.