Yo‘llarda avariyalar keltirib chiqarayotgan qo‘shiqlar ro‘yxati e’lon qilindi

Yo‘llarda avariyalar keltirib chiqarishi mumkin bo‘lgan qo‘shiqlar ro‘yxati e’lon qilindi

2026-yil avgustida “Trujillo Gonsales” yuridik firmasi avtomobilda sayohat qilish uchun tuzilgan 30 ta Spotify pleylistini tahlil qildi va ulardan eng ko‘p yangragan 50 ta qo‘shiqni ajratib oldi. Keyin qo‘shiqlar sur’ati bo‘yicha solishtirildi. Aniqlanishicha, daqiqasiga 120 zarbadan yuqori sur’atdagi musiqa tezlikni oshirish, rulda diqqatning pasayishi va haydash vaqtida ko‘proq xatolarga yo‘l qo‘yish bilan bog‘liq ekan.

Eng xavfli beshta qo‘shiq quyidagilar bo‘ldi:

- Ed Shiranning “Shape of You” qo‘shig‘i — daqiqasiga 192 zarba

- Oasis guruhining “Wonderwall” qo‘shig‘i — daqiqasiga 173 zarba

- The Kid LAROI va Justin Bieberning “STAY” qo‘shig‘i — daqiqasiga 169 zarba

- Billi Idolning “Rebel Yell” qo‘shig‘i — daqiqasiga 166 zarba

- Blondie guruhining “One Way or Another” qo‘shig‘i — daqiqasiga 162 zarba

“Shape of You” treki 30 ta pleylistning 24 tasida uchragan va Spotify’da besh milliard martadan ortiq tinglangan.

Qolgan o‘ntalikdan Farrel Uilyamsning “Happy”, Outkast guruhining “Hey Ya!”, Queen guruhining “Don’t Stop Me Now”, The Killers guruhining “Mr. Brightside” va Bruno Marsning “Locked Out of Heaven” qo‘shiqlari o‘rin oldi. “Happy”ning raqsbopligi 95% deb baholangan bo‘lsa, Bruno Marsning ko‘rsatkichi 92%, Outkast’niki esa 91%ni tashkil etdi.

Tadqiqotda barcha qo‘shiqlar qamrab olinmagan. Unda faqat Spotify’dagi 30 ta pleylistda eng ko‘p uchragan 50 ta trek tahlil qilingan, shu sababli bu ko‘proq avtomobil sayohatlari uchun mo‘ljallangan reyting hisoblanadi.