Yoʻqolgan frantsiyalik baliqchilarning jasadlari topildi
Ularning qayigʻi baliq ovlash anjomlarida muammolar borligi haqida xabar berganidan keyin, Plimut qirgʻoqlari yaqinida choʻkib ketdi.
Yoʻqolgan frantsiyalik baliqchilarning jasadlari topildi
Qirollik sohil xavfsizlik xizmati (HM Coastguard) hodisadan keyin uch kishi shifoxonaga yotqizilganini tasdiqladi.
Frantsiya prokuraturasi La-Mansh boʻgʻozida baliqchilik kemasi choʻkib ketganidan beri bedarak yoʻqolgan ikki frantsiyalik baliqchining jasadi topilganini maʼlum qildi.
«Maranello» baliqchilik trauleri 29 avgust kuni Plimut qirgʻoqlari yaqinida baliq ovlash anjomlari bilan bogʻliq muammolar haqida xabar berganidan keyin choʻkib ketgan edi. Kema ekipajining besh aʼzosidan uch nafari yaqin atrofdagi kema tomonidan qutqarib qolingan.
Qirollik sohil xavfsizlik xizmati, RNLI qutqaruv qayiqlari va Frantsiya rasmiylari ishtirokidagi keng koʻlamli qidiruv ishlari ikki kundan keyin toʻxtatilgan edi.
Sen-Briyo prokurori oʻrinbosari Aleks Dehaysning maʼlum qilishicha, ob-havo sharoiti qidiruv ishlarini qayta boshlash imkonini berganidan soʻng, shanba kuni gʻavvoslar jasadlarning turgan joyini aniqlab, ularni suvdan olib chiqishgan.