Yevropa Spectrum raketasining uchirilishi tufayli koinotga suveren kirish imkoniyatiga ega boʻldi
Yevropa Spectrum raketasining uchirilishi tufayli koinotga suveren kirish imkoniyatiga ega boʻldi
Germaniyaning Isar Aerospace aerokosmik startapi Spectrum eltuvchi raketasini uchirdi, u 5 ta sunʼiy yoʻldoshni past yer orbitasiga muvaffaqiyatli olib chiqdi.
Eltuvchi raketaning parvozi Norvegiyadagi Anneyya kosmodromidan 5 sentyabr kuni UTC vaqti bilan soat 20:12 da amalga oshirildi. Bort kameralaridan signalning rejali yoʻqolishi sababli missiyaning toʻgʻridan-toʻgʻri translyatsiyasi parvozdan 18 daqiqa oʻtib yakunlandi.
Efir uzilishidan oldin raketa parvozning barcha asosiy bosqichlarini, jumladan, bosqichlarning ajralishi, ikkinchi bosqich dvigatelining ishga tushirilishi, bosh qism qobigʻining tashlab yuborilishi va trayektoriyaga chiqqandan keyin ikkinchi bosqich dvigatelining oʻchirilishini amalga oshirishga ulgurdi.
Isar Aerospace startap ikkinchi urinishdayoq sunʼiy yoʻldoshlarni orbitaga muvaffaqiyatli olib chiqishga muvaffaq boʻlgan Yevropaning birinchi tijorat kosmik kompaniyasiga aylanganini taʼkidladi.
Kompaniya bosh direktori va hammuassisi Deniyel Mettsler bir necha yil ichida jamoa Yevropa kosmik tarmogʻi ilgari oʻnlab yillar davomida erishgan natijalarga erishganini va endi Yevropa koinotga suveren kirish imkoniyatiga ega boʻlganini maʼlum qildi.