Yangi Toshkentga $2 mlrd dan ortiq sarmoya kiritildi, ammo xususiy investitsiyalar ortda qolmoqda
Prezident Shavkat Mirziyoyev Yangi Toshkent qurilishini jadallashtirish masalalari boʻyicha investorlar va tadbirkorlar bilan ochiq muloqot oʻtkazmoqda. Davlat rahbarining soʻzlariga koʻra, uch yil davomida loyihaga 2 mlrd dollardan ortiq mablagʻ kiritildi. Shu bilan birga, xususiy sektorni jalb qilish surʼatlari hozircha mavjud imkoniyatlarga mos kelmayapti. Yangi shahar qurilishi uchun 20 ming gektar yer ajratilgan. Birinchi bosqichda 6 ming gektarda […]
Yangi Toshkentga allaqachon 2 mlrd dollardan ortiq mablagʻ yoʻnaltirildi, ammo xususiy investitsiyalar hozircha ortda qolmoqda
Prezident Shavkat Mirziyoyev investorlar va tadbirkorlar bilan Yangi Toshkent qurilishini jadallashtirishga bagʻishlangan ochiq muloqot oʻtkazmoqda.
Davlat rahbari taʼkidlaganidek, uch yil davomida loyihaga 2 mlrd dollardan ortiq mablagʻ kiritildi. Shu bilan birga, xususiy sektorni jalb qilish surʼatlari hozircha mavjud imkoniyatlarga mos kelmayapti.
Yangi shaharni barpo etish uchun 20 ming gektar yer ajratilgan. Birinchi bosqichda 6 ming gektar maydonda umumiy qiymati 50 mlrd dollarlik loyihalarni amalga oshirish rejalashtirilgan. Yangi aeroport qurilishini hisobga olganda, hududning investitsiyaviy salohiyati 200 mlrd dollarga yetishi mumkin.
Hozirda qurilish ishlari 1 ming gektardan ortiq maydonda, asosan davlat hisobidan olib borilmoqda. Tadbirkorlarga esa bor-yogʻi 94 gektar ajratildi.
Uchrashuvda shuningdek, biznesning yer ajratish, ruxsatnomalar olish va toʻlovlar bilan bogʻliq muammolari muhokama qilinmoqda.