Yangi tezyurar poyezd sinov reysida Andijonga bordi
Xitoyda ishlab chiqarilgan, yuqori tezlikda harakatlanuvchi poyezd Toshkentdan Qamchiq dovoni orqali vodiyga sinov reysini amalga oshirib, Andijon vokzaliga yetib bordi.
Yangi tezyurar poyezd Andijonga sinov safarini amalga oshirdi.
Xitoyda ishlab chiqarilgan ushbu yuqori tezlikka ega poyezd Andijon viloyatiga yetib bordi. Viloyat hokimligining ma'lumotiga ko'ra, poyezd soatiga 160 kilometr tezlikda harakatlana oladi va bir vaqtning o'zida 415 nafar yo'lovchini tashish imkoniyatiga ega. Uning Toshkentdan Andijongacha bo'lgan masofani atigi 3 soatda bosib o'tishi rejalashtirilgan.
Eslatib o'tamiz, avvalroq Xitoyda ishlab chiqarilgan CR200J elektropoyezdi Urganch xalqaro aeroporti va Xiva temiryo'l bekati o'rtasida qatnovni boshlagani xabar qilingan edi.