Yandex Maps ilk bor O‘zbekistonning uch shahrida batafsil yo‘l xaritalarini ishga tushirdi
Endi Yandex Maps hamda Yandex Navigator ilovalarida Toshkent, Andijon va Namanganda safar davomida xizmat harakat bo‘laklari, chiziqlar, chiqishlar va xavfsizlik orollari bilan yo‘lning batafsil sxemasini ko‘rsatadi.
Yandex Maps ilk bor O‘zbekistonning uchta shahrida batafsil yo‘l xaritalarini ishga tushirdi
Yandex Maps ilk bor O‘zbekistonning uchta shahri — Toshkent, Andijon va Namanganda batafsil yo‘l xaritalarini ishga tushirdi. Endi safar paytida xizmat yo‘l chiziqlari, burilish va chiqish yo‘llari hamda xavfsizlik maydonlarini ko‘rsatgan holda, yo‘lning aniq sxemasini namoyish etadi. Bu haydovchilarga oldindan kerakli liniyani tanlash, o‘z vaqtida qayta saflanish va murakkab yo‘llarda yanada ishonchli harakatlanishga yordam beradi.
Yangi format hozir Toshkentning barcha yo‘llarida, Andijon va Namanganda esa markaziy hududlar hamda asosiy magistrallarda ishlaydi. Batafsil xaritalarni yaratish uchun Yandex Maps jamoasi uch shaharda 2760 kilometr yo‘lni raqamlashtirdi.
Harakat vaqtida Yandex Maps yo‘l bo‘laklarini hisobga olgan holda tavsiya etiladigan harakat trayektoriyasini ko‘rsatadi. Bu haydovchiga burilish yoki chiqish yo‘li oldidan kerakli liniyada oldindan turish imkonini beradi. Xaritada yo‘nalish bo‘ylab joylashgan binolarning 3D ko‘rinishi ham aks etadi. Ular, jumladan, GPS signalida uzilishlar bo‘lgan holatlarda qo‘shimcha mo‘ljal sifatida xizmat qilishi mumkin.
“Toshkent va O‘zbekistonning boshqa shaharlari tez o‘zgarmoqda: yo‘l infratuzilmasi rivojlanmoqda, yangi yo‘llar, ko‘priklar, tunnellar, yo‘l o‘tkazgichlar va murakkab transport yechimlari paydo bo‘lmoqda. Navigatsiya ham bu o‘zgarishlarga moslashib borishi kerak. O‘zbekiston Markaziy Osiyoda Yandex Maps yo‘llarning bunday darajada aniq tasvirlanishi bir vaqtning o‘zida uchta shaharda joriy etilgan birinchi davlat bo‘ldi. Kelgusida bunday xaritalar mamlakatning boshqa shaharlarida ham paydo bo‘ladi”, — dedi Yandex Uzbekistan rahbari Izzat Shukurov.
Aniq xaritalarni yaratishda Yandex Maps kartograflari bir nechta ma’lumot manbalari, jumladan, sun’iy yo‘ldosh tasvirlari, panorama va hudud fotosuratlaridan foydalandi. Yo‘l chiziqlarini xaritaga yanada aniq ko‘chirishda panoramalarni reproyeksiya qilish texnologiyasi yordam beradi.
Yangilangan xaritalar Yandex Maps ilovasining “Navigator” bo‘limida, shuningdek, alohida Yandex Navigator ilovasida mavjud. Yo‘llarni uch o‘lchamli formatda ko‘rish uchun sozlamalarda 3D rejimini yoqish kerak: “Navigatsiya” — “3D rejimi”.
Yo‘lning batafsil belgilari tushirilgan xarita CarPlay yoki Android Auto‘ga ulangan holda ham mavjud.