Xizmat sifati va shaffof boshqaruv: Raqamli hukumatda yangi yondashuv
Raqamli hukumat loyihalarini boshqarish markazida ISO 37001 va ISO 9001 standartlariga bag‘ishlangan o‘quv seminari tashkil
Xizmat ko‘rsatish sifati va shaffof boshqaruv: Raqamli hukumatda yangi yondashuv
Zamonaviy boshqaruv tizimida xizmatlar sifatini oshirish va korrupsiyaning oldini olish bir-biriga chambarchas bog‘liq jarayonlardir. Bu maqsadga erishish uchun har bir faoliyat shaffof va aniq nazorat ostida bo‘lishi zarur.
Raqamli hukumat loyihalarini boshqarish markazida tashkil etilgan navbatdagi o‘quv seminari aynan shu tamoyillarni amaliyotga chuqur joriy etishga bag‘ishlandi.
"CERT International" xalqaro tashkiloti ekspertlari ishtirokida o‘tkazilgan mashg‘ulotda Markaz xodimlariga xalqaro ISO 37001 va ISO 9001 standartlari bo‘yicha batafsil ma’lumotlar taqdim etildi.
Xalqaro auditor Alisher Alimov va konsultant Bekzod Yusupov ish jarayonida yuzaga kelishi mumkin bo‘lgan xavflarni oldindan baholash hamda audit jarayonlariga puxta tayyorgarlik ko‘rish bo‘yicha o‘z tajribalari bilan o‘rtoqlashdilar.
Bunday o‘quv tadbirlari Markazda korrupsiyaga qarshi boshqaruv tizimini yanada mustahkamlash va xizmatlar sifatini xalqaro talablar darajasida doimiy ravishda takomillashtirib borishga xizmat qiladi.