Xivada Xorazm xonlari taomlari xalqaro festivali boʻlib oʻtadi
2026 yil 19–20 sentyabr kunlari Xivadagi «Arda Xiva» turistik majmuasida «Xorazm xonlarining milliy taomlari» II Xalqaro gastronomik festivali boʻlib oʻtadi. Ikki kun davomida mehmonlar Xorazmning gastronomik merosi, qadimiy retseptlari va hududning anʼanaviy taomlari bilan tanishishlari mumkin boʻladi. Festival doirasida Xorazm oshxonasining 20 dan ortiq taomini, shuningdek, turli xalqlar milliy oshxonalarining 10 ga yaqin taomini tayyorlash rejalashtirilgan […]
Xivada Xorazm xonlari taomlari xalqaro festivali boʻlib oʻtadi
2026 yil 19–20 sentyabr kunlari Xivadagi «Arda Xiva» turistik majmuasida II Xalqaro «Xorazm xonlarining milliy taomlari» gastronomik festivali boʻlib oʻtadi.
Ikki kun davomida mehmonlar Xorazmning gastronomik merosi, qadimiy retseptlari va hududning anʼanaviy taomlari bilan tanishishlari mumkin boʻladi. Festival doirasida Xorazm oshxonasining 20 dan ortiq taomini, shuningdek, turli mamlakatlar milliy oshxonalarining 10 ga yaqin taomini tayyorlash rejalashtirilgan.
Ishtirokchilar tuxum barak, koʻk barak, qovoq barak, shivit oshi, manti, gumma, goʻshtli qovurdoq, dimlama, qozon kabob, jigar kabob, tuncha shoʻrva, mastava, patir, bogʻirsoq va qatlama kabi anʼanaviy taomlarni taqdim etadilar.
Xorazm oshxonasidan tashqari, tashrif buyuruvchilar Turkiya, Qozogʻiston, Qirgʻiziston, Tojikiston, Ozarbayjon, Gruziya, Hindiston, Xitoy, Janubiy Koreya va Italiyaning milliy taomlaridan tatib koʻrishlari mumkin boʻladi.
Festival dasturidan gastronomik tanlovlar ham oʻrin olgan. Gʻoliblar qimmatbaho sovgʻalar va pul mukofotlari bilan taqdirlanadilar.
Tashkilotchilarning taʼkidlashicha, festival Xorazmning gastronomik merosini ommalashtirish, hududning turistik salohiyatini namoyish etish hamda turli xalqlarning pazandachilik anʼanalarini almashish uchun xalqaro maydon yaratishga qaratilgan.