Xitoy BRIKS mamlakatlari uchun SI sohasida xalqaro hamkorlik markazini tashkil etadi

Xitoy BRIKS mamlakatlari uchun sunʼiy intellekt sohasida xalqaro hamkorlik markazini tashkil etish niyatida. Bu haqda XXR Raisi Si Tszinpin birlashmaning Nyu-Delidagi XVIII sammitida maʼlum qildi.

Xitoy yetakchisi taʼkidlaganidek, yangi maydoncha sunʼiy intellekt texnologiyalarini birgalikda ishlab chiqish va tajriba almashish, eng avvalo, Global Janub mamlakatlari oʻrtasida hamkorlik qilish uchun moʻljallangan boʻladi. Si Tszinpin BRIKS davlatlarini markaz ishiga qoʻshilishga chaqirdi.

Pekin, shuningdek, ochiq kodli texnologiyalarni yanada faol rivojlantirish va SI sohasidagi tadqiqotlar hamda ishlanmalar natijalaridan birgalikda foydalanish tarafdori.

Xitoy sunʼiy intellektni sanoatda qoʻllashga alohida urgʻu berishni taklif qilmoqda. Xitoy SIni tadqiq qilish va joriy etishda sheriklar bilan hamkorlik qilishga, shuningdek, ishlab chiqarish va yetkazib berish zanjirlarida oʻzaro hamkorlikni rivojlantirishga tayyor.

BRIKSning XVIII sammiti 12–13 sentyabr kunlari Nyu-Delida Hindiston raisligida boʻlib oʻtmoqda. Uchrashuv kun tartibidan texnologiyalar, savdo va investitsiyalar, energetika va oziq-ovqat xavfsizligi, sogʻliqni saqlash, shuningdek, global institutlarni isloh qilish oʻrin olgan.

Sunʼiy intellekt allaqachon BRIKS mamlakatlari hamkorlik yoʻnalishlari qatoriga kiradi. 2024 yilda Rossiya Prezidenti Vladimir Putin birlashmaning SI sohasidagi alyansini tuzishni taklif qilgan edi. 2025 yilda sunʼiy intellektni rivojlantirish va tartibga solish ham BRIKS ustuvorliklari roʻyxatiga kiritildi.