Xavfli kasallik sanaladigan qandli diabetning 9 alomati

Xavfli kasallik hisoblangan qandli diabetning 9 ta belgisi

Shifokorlar diabetni "ko‘p nayrangli" kasalliklardan biri deb atashlari bejiz emas: uning dastlabki bosqichlarida inson hech qanday og‘riq sezmaydi va deyarli shikoyatlar bo‘lmaydi. Ammo sog‘lig‘ingizga ehtiyotkorlik bilan yondashsangiz, ba’zi o‘zgarishlarni payqashingiz mumkin.

**Birinchi turdagi diabet belgilari**

Birinchi turdagi diabet ko‘pincha juda tez rivojlanadi va aniq alomatlar bilan namoyon bo‘ladi. Ishtaha keskin ochiladi, ammo shunga qaramay, odam sezilarli darajada vazn yo‘qotadi. Doimiy charchoq, kuchli chanqoq, tez-tez hojatxonaga borish istagi paydo bo‘ladi – ba’zan kechasi bir necha marta turishga to‘g‘ri keladi. Simptomlar odatda to‘satdan paydo bo‘ladi va ularni sezmaslik deyarli imkonsiz.

**Ikkinchi turdagi diabet belgilari**

Ushbu turdagi diabet eng keng tarqalgan bo‘lib, shu bilan birga, uni tashxislash qiyinroq. Chunki kasallik sekin rivojlanadi va alomatlar yengil bo‘ladi. Bu holda nimalarga e’tibor berish kerak?

1. **Kuchli chanqoq.** Odam avvalgidan ko‘ra ko‘proq suyuqlik ichishni xohlaydi va ba’zi hollarda iste’mol qilinadigan suyuqlik miqdori kuniga 3-5 litrgacha oshadi.

2. **Vazn yo‘qotish.** Turmush tarzi va odatiy ovqatlanish bir xil bo‘lib qolsa ham, vazn tezda pasayadi. Ba’zida ishtaha keskin ochiladi.

3. **Doimiy charchoq.** Ertalab tongdanoq butunlay charchaganingizni, asabiylashish, holsizlik, uyquchanlik paydo bo‘lganini his qilasiz.

4. **Peshob qilish tabiatidagi o‘zgarishlar.** Bu avvalgidan ko‘ra ko‘proq sodir bo‘ladi.

5. **Ko‘ngil aynishi.** To‘satdan ko‘ngil aynishi va qayt qilish kuzatiladi.

6. **Qo‘l va oyoqlar uvishishi.** Barmoqlarda sanchish hissi kuzatiladi.

7. **Terining quruqlashishi.** Teri quriydi, qichishish paydo bo‘ladi, yaralar va jarohatlar odatdagidan ko‘ra uzoqroq bitadi.

8. **Yuqori qon bosimi.**

9. **Siydik chiqarish yo‘llarining infeksiyalari.**

**Nega diabet belgilarini e’tiborsiz qoldirib bo‘lmaydi?**

Qandli diabet eng xavfli kasalliklardan biri bo‘lib, davolanmasa, gipoglikemiya va tom ma’noda 2-3 soat ichida rivojlanishi mumkin bo‘lgan komaga olib keladi. Ko‘pincha diabet yurak, buyraklar, ko‘rish qobiliyatining pasayishi (kam hollarda butunlay ko‘rlik) va asab tizimi bilan bog‘liq muammolarni keltirib chiqaradi.