Vitinya “Oltin to‘p-2026” sovriniga kimlarni munosib ko‘rishini aytdi

Vitinya 2026-yilgi "Oltin to‘p" mukofotiga kimlar loyiq ekanligi haqida o‘z fikrlarini bildirdi.

"Pari Sen-Jermen" klubi yarimhimoyachisi Vitinya 2026-yilda topshiriladigan "Oltin to‘p" sovriniga asosiy nomzodlar borasida o‘z mulohazalari bilan o‘rtoqlashdi.

Portugaliyalik futbolchi tanlovda birinchi navbatda o‘z jamoadoshlarini qo‘llab-quvvatlashini ochiq aytdi. Shuningdek, u Yevropaning boshqa yetakchi klublarida o‘ynayotgan futbolchilarning imkoniyatlarini ham yuqori baholadi.

"Bu yil mukofotni qo‘lga kiritishga qodir bo‘lgan ajoyib o‘yinchilar juda ko‘p. Albatta, men uni 'PSJ' futbolchilaridan biri yutishini istardim. Masalan, Chempionlar Ligasidagi yorqin o‘yinlari uchun Xvicha Kvaratsxeliya, ajoyib mavsum o‘tkazgan Usmon Dembele yoki barcha sovrinlarni yutgan Fabian Ruisni ko‘rsatishim mumkin. Biroq boshqa jamoalarda ham ajoyib mavsum o‘tkazgan munosib nomzodlar bor. Harri Keyn va Kilian Mbappe shular jumlasidandir. Balki ba’zi ismlarni unutgandirman, lekin mening tanlovim — Parij klubi a’zosi", — dedi Vitinya.

Ma’lumot uchun, ushbu sovrinning amaldagi g‘olibi "PSJ" futbolchisi Usmon Dembele hisoblanadi. "Oltin to‘p" mukofotini topshirish marosimi shu yilning 26-oktabr kuni Londonda bo‘lib o‘tadi.