Vengriya AQSHdan sanksiyalardan ozod etishni so‘radi
Vengriya AQSHdan sanksiyalardan istisno so‘radi
Vengriya Rossiya neftini xarid qilishni davom ettirayotgani uchun qo‘llanishi mumkin bo‘lgan sanksiyalardan ozod etishni so‘rab AQSHga murojaat qildi. Budapesht Rossiya resurslariga qaramlikni kamaytirish jarayonida Moskva bilan energetik aloqalarni saqlab qolishni istamoqda.
Mazkur murojaat Kongress Trampga Rossiya neft mahsulotlarini xarid qiluvchilarga nisbatan bojlar joriy etish bo‘yicha yangi vakolatlar berganidan keyin bildirildi.
Bosh vazir Peter Madyar hukumati Rossiya energetikasiga qaramlikni kamaytirish va import manbalarini diversifikatsiya qilishga va’da bergan. Biroq Vengriya hanuz Moskvaga sezilarli darajada bog‘liq bo‘lib qolmoqda.
“Biz ushbu o‘tish davri uchun yordam so‘radik. Ya’ni Rossiya energetika resurslarini xarid qilishga qaratilgan Amerika sanksiyalaridan ozod etishni iltimos qildik”, dedi parlamentning Tashqi ishlar qo‘mitasi raisi Marton Xaydu amerikalik qonun chiqaruvchilar bilan uchrashuvdan so‘ng.
Rasmiylar ularning harakatlari diplomatik maqomga mos kelmasligini aytgan. Rossiya Tashqi ishlar vazirligi esa bu javobsiz qolmasligini va javob Vengriya uchun og‘riqli bo‘lishini bildirgan.