«Vatan tayanchi» a’zolariga OTMga kirishda qo‘shimcha ball beriladi
Adliya vazirligi «Vatan tayanchi» otryadi a’zolari hamda «Vatanparvarlar» va «Shijoat va g‘ayrat» musobaqalarining respublika bosqichi
**"Vatan tayanchi" a'zolariga OTMga kirishda qo'shimcha ballar taqdim etiladi**
Adliya vazirligi "Vatan tayanchi" otryadi a'zolari, shuningdek, "Vatanparvarlar" va "Shijoat va g'ayrat" musobaqalarining respublika bosqichi g'oliblariga oliy ta'lim muassasalariga o'qishga kirish uchun tavsiyanoma berish tartibini belgilovchi hujjatni davlat ro'yxatidan o'tkazdi.
Ushbu hujjatga ko'ra, tavsiyanoma quyidagi shaxslarga beriladi:
* "Vatan tayanchi" harakatida faol ishtirok etib, ta'lim muassasasini a'lo baholar bilan tamomlagan otryadning bir nafar a'zosiga.
* "Jasorat maktabi"ni a'lo baholar bilan bitirgan har bir otryadning bir nafar a'zosiga.
* "Vatanparvarlar" harbiy-sport musobaqalari hamda mahalla yoshlari o'rtasidagi "Shijoat va g'ayrat" musobaqalarining respublika bosqichida birinchi o'rinni egallagan jamoalar a'zolariga.
Tavsiyanoma Mudofaa vazirligi huzuridagi "Vatan tayanchi" bolalar va o'smirlar harbiy-vatanparvarlik harakati tomonidan beriladi.
Tavsiyanomaga ega bo'lgan shaxslarga oliy harbiy va harbiylashtirilgan ta'lim muassasalari, shuningdek, yuridik ta'lim muassasalariga kirishda test sinovlari yoki yakka tartibdagi yakuniy suhbat natijasida to'plangan ballning 5 foizi miqdorida qo'shimcha ball beriladi.
Ushbu tavsiyanoma 3 yil davomida amal qiladi.