Uztelecom va Apifonica Oʻzbekistonda ovozli sunʼiy intellekt markazini tashkil etadi
Apifonica’ning sunʼiy intellekt agentlari platformasi Uztelecom infratuzilmasida joriy etiladi, uning asosidagi ovozli xizmatlar esa keyinchalik butun bozor uchun taqdim etiladi. Loyiha haqida 23-sentabr kuni ICT Week Uzbekistan 2026 doirasida operatorning «Sunʼiy intellekt - kelajak biznesi uchun infratuzilma» forumida eʼlon qilindi.
Uztelecom va Apifonica Oʻzbekistonda ovozli sunʼiy intellekt markazini yoʻlga qoʻyadi
"Oʻzbektelekom" AK boshqaruvi raisining tijorat masalalari boʻyicha oʻrinbosari Javlon Islomov va Apifonica xalqaro kompaniyasi direktori Denis Shirokiy
Sunʼiy intellekt endi faqat tajriba mavzusi emas: McKinsey maʼlumotlariga koʻra, dunyo bo‘ylab kompaniyalarning 88 foizi undan allaqachon foydalanmoqda, bulutli texnologiyalar bozori esa 2026-yilning birinchi choragida 143 milliard dollarga chiqdi. Bu ko‘rsatkich butun 2020-yildagidan ham yuqori. Uztelecom’da buning uchun asos bor: ICT Week doirasida kompaniya ikkita maʼlumotlar markazini ishga tushirdi, yil oxirigacha ularning soni beshtaga yetadi, barchasi Tier III darajasida bo‘ladi, korporativ mijozlarning maʼlumotlari esa mamlakat ichida qoladi. Yangi loyiha aynan shu poydevor ustida shakllanadi.
Markaz Uztelecomning raqamli transformatsiyasi tarkibiga kiradi. Sunʼiy intellekt texnologiyalarini joriy etish kompaniyaga mijozlarga xizmat ko‘rsatish sifatini eng yaxshi jahon amaliyotlari darajasiga olib chiqishga yordam beradi. Abonentlarga xizmat ko‘rsatishda sunʼiy intellektdan foydalaniladi: SI mamlakatdagi eng yirik aloqa markazida qo‘llab-quvvatlashning birinchi bosqichini o‘z zimmasiga oladi. Sinovdan o‘tgan yechim keyinchalik biznesga ham taklif qilinadi, ular ovozli yordamchilarni xizmat sifatida xarid qilishlari mumkin bo‘ladi.
Memorandum imzolash marosimida Apifonica tomonidan Toshkentga kompaniyaning bosh direktori va asoschisi Denis Shirokiy hamda forumda «Sunʼiy intellekt aloqa markazida mijozlar tajribasini qanday oʻzgartirmoqda?» mavzusida maʼruza qilgan sunʼiy intellekt yoʻnalishi rahbari Kristaps Nelsons tashrif buyurdi.
«Mijoz bilan har ikkinchi suhbatni allaqachon sunʼiy intellekt olib bormoqda. Qoʻllab-quvvatlash boʻyicha barcha kiruvchi murojaatlarning 65 foizigacha boʻlgan qismi SI-agent tomonidan yopiladi. U shunchaki javob bermaydi, balki murojaatni toʻliq hal qiladi: mijozning kartochkasini ochadi, balansni koʻradi va oʻzgartirishlar kiritadi. Masala darhol, bir necha daqiqada hal boʻladi»
, - dedi Nelsons.
Apifonica platformasi 150 dan ortiq tilni qoʻllab-quvvatlaydi, ular suhbat davomida avtomatik tarzda aniqlanadi, korporativ loyihalarda esa odatda oʻnga yaqin til joriy etiladi. Bu yerda operatorlarni almashtirish haqida gap ketmayapti: McKinsey maʼlumotlariga koʻra, SI yordamchisiga ega bo‘lgan kamroq tajribali xodimlarning ish unumdorligi 34 foizga oshadi, masalalar esa ikki-uch barobar tezroq hal qilinadi. Mashina kundalik vazifalarni o‘z zimmasiga oladi, murakkab murojaatlar esa insonda qoladi.