Uchtepada 574 mln so‘mlik firibgarlik fosh etildi
Toshkentning Uchtepa tumanida o‘zlarini ko‘p qavatli uy boshqaruv organi rahbari sifatida ko‘rsatib, xonadon egalarining 574,6 mln so‘mini firibgarlik yo‘li bilan qo‘lga kiritganlikda gumonlanayotgan ikki shaxs aniqlandi. Holat yuzasidan jinoyat ishi qo‘zg‘atilgan.
Uchtepada 574 million so‘mlik firibgarlik holati aniqlandi.
Bosh prokuratura huzuridagi Departamentning Uchtepa tumani bo‘limi tomonidan o‘tkazilgan tergovga qadar tekshiruv natijasida fuqarolar A.B. va M.B. "Vatanparvar" MFY hududidagi 29-sonli uyning boshqaruv organi rahbari sifatida o‘zlarini tanishtirib kelganliklari ma’lum bo‘ldi.
Ular ushbu uyda yashovchi fuqarolarning ishonchiga kirib, jami 574,6 million so‘m mablag‘ni firibgarlik yo‘li bilan o‘zlashtirganlar.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilgan. Hozirda ish bo‘yicha tergov harakatlari davom etmoqda.