Turkiyadagi litsey oldida 15 yoshli o‘quvchi otishma sodir etdi, 8 kishi jarohatlandi
Turkiyaning Manisa provinsiyasidagi litsey oldida 15 yoshli o‘smir ov miltig‘idan o‘q uzdi. Oqibatda 14−17 yosh oralig‘idagi 8 nafar o‘quvchi yaralandi, ikki nafarining ahvoli og‘ir. Qochishga uringan hujumchi qo‘lga olindi.
Turkiyadagi litsey oldida 15 yoshli o‘quvchi otishma uyushtirdi, 8 kishi jarohat oldi
Turkiyaning Manisa provinsiyasi Turgutlu tumanida joylashgan “Inji Uzmez” kasb-hunar va texnik Anadolu litseyi oldida taxminan soat 08:00 da ov miltig‘idan o‘q uzilgan, deb xabar bermoqda.
Dastlabki ma’lumotlarga ko‘ra, gumonlanuvchi 15 yoshli maktab o‘quvchisi bo‘lgan. Qayd etilishicha, 8 nafar o‘quvchi jarohatlangan, ulardan 2 nafari og‘ir ahvolda. Jabrlanganlar 14 yoshdan 17 yoshgacha bo‘lgan o‘smirlardir.
Otishmadan keyin hujumchi qochishga uringan, biroq qo‘lga olingan.
2026-yil aprel oyida Turkiyaning Shanliurfa va Kahramanmarash hududlaridagi maktab va litseyda otishma sodir etilgandi. Birinchi voqeada 16 kishi jarohatlangan bo‘lsa, ikkinchisida 9 kishi halok bo‘lgan va 13 kishi jarohat olgandi.
Bu hodisalardan keyin Turkiyada ta’lim vazirining iste’fosini talab qilib namoyishlar o‘tkazilgan, shuningdek, rasmiylar maktablarda hujumlardan so‘ng xavfsizlik choralari kuchaytirilganini bildirgan.