Trampning Putin bilan dizel kelişuvi xavf ostida
Rossiya yonilğisini AQŞga yetkazişi kerak bölgan uç tankerdan ikkitasi yönalişini özgartirdi. Financial Times maʼlumotiga köra, bu Donald Tramp va Vladimir Putin örtasidagi dizel importi böyiça kelişuvning amalga oşmay qoliş xavfini yuzaga keltirgan.
Tramp va Putin o‘rtasidagi dizel kelishuvi xavf ostida
AQŞ prezidenti Donald Tramp hamda Rossiya prezidenti Vladimir Putin o‘rtasidagi dizel importi bo‘yicha kelishuv doirasida Rossiya yoqilg‘isini AQŞga olib ketayotgan uch tankerdan ikkitasi yo‘nalishini o‘zgartirdi, deb xabar berdi.
Rossiya yoqilg‘isi bilan AQŞga yo‘l olgan uchta neft tankeridan ikkitasi yo‘nalishini o‘zgartirib, Oq uy rahbari Donald Tramp va Rossiya prezidenti Vladimir Putin o‘rtasida avvalroq tuzilgan Rossiya dizel yoqilg‘isini sotib olish va import qilish bo‘yicha kelishuvni xavf ostiga qo‘ydi. Bu haqda Financial Times nashri 4-noyabr, chorshanba kuni xabar berdi.
FT maʼlumotlariga ko‘ra, Rossiyaning Talisman tankeri hamda Hongkong kompaniyasiga tegishli, Syerra-Leone bayrog‘i ostida suzayotgan Leruo tankeri endi AQŞning Atlantika sohilini borish manzili sifatida ko‘rsatmayapti. Leruo 2-noyabrdan Braziliya tomon yo‘nalish olgan. Talisman esa O‘rta Yer dengiziga chiqib, hozir Jazoir sohillari yaqinida turibdi va for orders — «ko‘rsatmalar kutilmoqda» degan signalni uzatmoqda. Bu yukning hozircha tasdiqlangan xaridori yoki yetkazib beriladigan porti yo‘qligini anglatadi. Financial Times qayd etishicha, har ikki tanker Yevropa Ittifoqi sanksiyalari ostida.
Gretsiyaning Eastern Mediterranean Maritime kemachilik kompaniyasiga tegishli uchinchi tanker — Agioi Fanendes AQŞ tomon harakatlanishda davom etmoqda, biroq u ham «ko‘rsatmalar kutilmoqda» degan signalni uzatyapti.
«Tanker shu hafta oxirida Nyu-Yorkka yetib borishi kerak. Biroq amerikalik xaridorlar tartibga solish talablari, qonunchilik va sanksiyalar bilan bog‘liq xatarlar tufayli ochiq-oydin ehtiyotkorlik qilayotganini hisobga olsak, bu tanker ham AQŞ portlariga kirishdan voz kechib, yo‘nalishini o‘zgartirsa, ajablanarli bo‘lmaydi», - deya Kpler kompaniyasi tahlilchisi Matt Smitning so‘zlarini keltiradi FT.
Ayni paytda Seyşel orollaridagi kompaniyalarga tegishli, sanksiyalar ostidagi Beast tankeri 27-oktabrda Rossiyaning Primorsk portida yuk ortgan va AQŞning Atlantika sohili tomon harakatlanishda davom etmoqda, deb yozadi FT.
Erondagi urush boshlanganidan buyon dizel yoqilg‘isi fyucherslari narxi 60 foizdan ko‘proq oshdi. 2026-yil noyabr oyi boshida AQŞdagi yoqilg‘i quyish shoxobchalarida dizelning o‘rtacha narxi bir gallon uchun qariyb 6,30 dollarni, yaʼni bir litr uchun 1,66 dollarni tashkil etdi.