Tramp uçinçi prezidentlik muddatiga nomzodini qöyişi mumkinligini aytdi
«Yana nomzodimni qöyişga haqliman», - dedi Donald Tramp Ayovadagi respublikaçilar mitingida. AQŞ prezidenti bu fikrini 2020-yilgi saylovda ğalaba qozongani haqidagi daʼvosi bilan asosladi, garçi Konstitutsiya prezidentlikni ikki muddat bilan çeklasa-da.
Tramp uchinchi prezidentlik muddatiga nomzodini qo‘yishi mumkinligini aytdi
AQSh prezidenti Donald Tramp o‘z nomzodini uchinchi vakolat muddatiga ilgari surish g‘oyasini yana bir bor qo‘llab-quvvatladi. Ayova shtatidagi respublikachilarning saylovoldi mitingida u «nomzodini qayta qo‘yishga haqli» ekanini aytdi, deb yozdi
Dastlab Tramp AQSh Konstitutsiyasining XXII moddasi prezidentlik lavozimini ikki martadan ortiq egallashni taqiqlashini tan oldi. «Afsuski, u juda lo‘nda yozilgan. Bu yerda boshqacha talqin qilishga deyarli o‘rin yo‘q», - dedi u. Shunga qaramay, deb so‘zida davom etdi siyosatchi, o‘zining holati bundan mustasno, chunki u go‘yoki prezidentlik saylovida allaqachon uch marta g‘alaba qozongan. Bu o‘rinda Tramp Jo Baydendan yengilganini hanuz tan olmay kelayotgan 2020-yilgi saylovni nazarda tutgan.
«Ular bizni ikkinchi marta g‘irromlik qilib yutishdi, aslida biz uch marta g‘alaba qozonganmiz, shuning uchun yana nomzodimni qo‘yishga haqliman deb o‘ylayman. Meni aldashgani uchun ham nomzodimni qayta qo‘yishga haqqim bor deb hisoblayman», - deb o‘z mantiqini tushuntirdi Qo‘shma Shtatlarning 45- va 47-prezidenti.
Tramp Oq uyga qaytganidan so‘ng uchinchi marta qayta saylanishi mumkinligi mavzusini bir necha bor ko‘targan. Vaziyatga qarab, u goh gapni hazilga buradi, goh bunday da’volarini inkor etadi, gohida esa ma’lum shartlar bilan bunga yo‘l qo‘yadi.
AQSh tarixida ikki muddatdan ortiq o‘z lavozimida qolgan yagona prezident Franklin Delano Ruzvelt (1930–1945-yillarda faoliyat yuritgan) edi. O‘sha paytda amerikalik siyosatchilarga bunday yo‘l tutishga qonunlar emas, balki birinchi prezident Jorj Vashington xotirasiga ehtirom sifatida shakllangan an’anagina to‘sqinlik qilardi. Shunga qaramay, Ruzvelt vafotidan so‘ng, Kongress va shtatlar 1947–1951-yillarda federal Konstitutsiyaga bir kishining ikki muddatdan ortiq prezident bo‘lib qolishini qat’iyan taqiqlovchi XXII tuzatishni qabul qildi.