Tramp saylovga qadar Eronga zarba berilmasligini eʼlon qildi
Eron «ogʻir ahvolda» ekan hamda Hoʻrmuz boʻgʻozi orqali neft yetkazib berish davom etar ekan, AQSH noyabr oyida Kongressga oʻtkaziladigan oraliq saylovga qadar ushbu mamlakatga hujum qilmaydi, dedi Tramp.
Tramp saylovga qadar Eronga zarba berilmasligini maʼlum qildi
Agar Hoʻrmuz boʻgʻozi orqali neft tashish davom etsa, AQSH noyabr oyidagi oraliq saylovga qadar Eronga zarba bermaydi.
Amerika yetakchisining aytishicha, Vashington Tehron bilan «samarali muloqot» olib bormoqda.
«Biz Qoʻshma Shtatlarda 3-noyabr kuni boʻlib oʻtadigan oraliq saylovga qadar istalgan vaqtda Eronga hujum qilishdan tiyilib turamiz», - deb yozdi u.
Trampning aniqlik kiritishicha, Eron iqtisodiy va harbiy jihatdan «juda nochor ahvolda» ekan, shuningdek, «rekord miqdordagi neft barrellari» qabul qilinayotgan bir paytda Hoʻrmuz boʻgʻozi blokadasi saqlanib turgan ekan, hujumlar amalga oshirilmaydi. AQSH prezidentining soʻzlariga koʻra, oʻtgan tunda boʻgʻoz orqali 22 million barrel neft olib oʻtilgan, ularning birortasi ham Eronga kirmagan yoki Erondan chiqmagan.
Nashrning AQSH va Isroildagi manbalari hujumlar 3-noyabrdagi AQSH oraliq sayloviga yoki hatto 27-oktabrdagi Isroil sayloviga qadar qayta boshlanishi mumkinligini taʼkidlamoqda. Shuningdek, ular Tramp hali yakuniy qaror qabul qilmaganini qayd etishgan.