Tramp: AQSh Ho‘rmuz bo‘g‘ozini to‘liq nazorat qilmoqda
Eron esa bunga qarshi hech narsa qila olmaydi, dedi Oq uy rahbari.
Trampning so‘zlariga ko‘ra, AQSh Ho‘rmuz bo‘g‘ozini to‘liq nazorat qilmoqda.
Amerika Qo‘shma Shtatlari prezidenti Donald Tramp o‘zining Truth Social sahifasida AQSh Qurolli kuchlari Ho‘rmuz bo‘g‘ozi ustidan nazoratni saqlab qolishini ma’lum qildi.
Siyosatchi shunday dedi: "AQSh Ho‘rmuz bo‘g‘ozini to‘liq nazorat qiladi. O‘ylaymanki, biz bu nazoratni saqlab qolamiz. Bizning dengiz blokadamizni hamma "po‘lat devor" deb ataydi, Eron esa bunga qarshi hech narsa qila olmaydi".
Shu bilan birga, 11-avgust kuni Eron Milliy xavfsizlik oliy kengashi kotibi Muhsin Rizoiyning ta’kidlashicha, Qo‘shma Shtatlar o‘z xatti-harakatlarini o‘zgartirishi va Eron shartlarini qabul qilishi kerak, aks holda Ho‘rmuz yopiqligicha qoladi. Uning so‘zlariga ko‘ra, AQSh butun mintaqani xavf ostiga qo‘ygan noqonuniy urushni boshlagan.
AQSh iyul oyida Eron portlari blokadasini qayta tikladi. 8-avgust kuni vitse-prezident Jey Di Vens Tehron bilan ziddiyatni bartaraf etish bo‘yicha muzokaralarda muayyan yutuqlarga erishilganini ma’lum qildi. Reuters agentligining xabar berishicha, Eron yo‘lakdan o‘tish uchun haq talab qilmaslikka rozi bo‘lgan, biroq aftidan, unga kirayotgan kemalarni nazorat qilish huquqini olgan.