Toҷikiston Oʻzbekistonga qarshi futzal oʻyinlari uchun tarkibni eʼlon qildi
Futzal boʻyicha Tojikiston terma jamoasi 8 va 10 noyabr kunlari Toshkentda Oʻzbekistonga qarshi boʻlib oʻtadigan oʻrtoqlik oʻyinlariga 14 nafar futbolchini chaqirdi.
Tojikiston futzal boʻyicha Oʻzbekistonga qarshi oʻyinlar uchun tarkibni eʼlon qildi
Futzal boʻyicha Tojikiston terma jamoasi 8 va 10 noyabr kunlari Toshkentda Oʻzbekiston terma jamoasiga qarshi oʻtkaziladigan ikkita oʻrtoqlik uchrashuvi uchun qaydnomani eʼlon qildi.
Tojikiston jamoasi bosh murabbiyi Payrav Vohidov boʻlajak oʻyinlar uchun qaydnomaga 14 nafar futbolchini — ikki nafar darvozabon va 12 nafar maydon oʻyinchisini kiritdi.
Darvozabonlar pozitsiyasini «Sipar»dan Firuz Bekmurodov va «Soro kompaniya»dan Nuriddin Jabborov egallaydi.
Maydon oʻyinchilari orasidan tarkibga Muhammad Sharipov («Sipar»), Dilshod Salomov, Umed Qoʻziyev, Bahodur Xojayev va Muhammad Afgʻonov («Istiqlol»), Nasratsho Ismoilov, Nekruz Idiyev va Amirdjon Rahimov (TSSKA), Samandar Rizomov va Muhammad Rajabov («Soro kompaniya»), Siyovush Qayumov («Amonatbank») hamda Xusrav Xoliqnazarov («Somon») kirdi.
Bahodir Ahmedov boshchiligidagi Oʻzbekiston terma jamoasi ham ushbu uchrashuvlarga tayyorgarlik koʻrmoqda. Jamoaning mashgʻulot jarayoni Oʻzbekiston futbol assotsiatsiyasi Terma jamoalar markazida boʻlib oʻtmoqda.
Xar ikkala terma jamoa noyabr oyidagi oʻyinlarni 2028 yilgi futzal boʻyicha Osiyo kubogi saralash bosqichiga tayyorgarlik doirasida FIFA xalqaro kalendariga muvofiq oʻtkazmoqda.