Toshkentning yana 302 ta maktabi SI Davomat tizimi va smart kameralar bilan qamrab olinadi
Toshkent maktablaridagi SI Davomat — davomatni nazorat qilish tizimini yana 302 ta maktabga tatbiq etish rejalashtirilmoqda. Hozirda u Sergeli tumanidagi 26 ta maktabda sinovdan o‘tkazilmoqda, ularda 446 ta smart kamera o‘rnatilgan.
Toshkentdagi yana 302 ta maktab SI Davomat tizimi va smart kameralar bilan qamrab olinadi
Toshkent maktablarida SI Davomat (sun’iy intellekt) davomatni nazorat qilish tizimini 2027−2028-yillarda yana 302 ta maktabga joriy etish rejalashtirilmoqda. Bu haqda poytaxt hokimining 6-oktabrdagi farmoyishida ko‘rsatilgan.
Gazeta tizim Sergeli tumanidagi 26 ta maktabda sinovdan o‘tkazilayotgani va u yerda 446 ta smart kamera o‘rnatilgani haqida yozgan edi.
Sinov natijalari tizimni shahardagi boshqa maktablarda bosqichma-bosqich joriy etish uchun asos bo‘lishi kerak edi.
Hokimiyat ma’lumotiga ko‘ra, smart kameralar va Face ID texnologiyasi o‘quvchilarning maktabga kelishi hamda darsdagi ishtirokini qayd etish imkonini beradi. “Bu mutaxassislarga sabablarni chuqurroq o‘rganish, oila va maktab bilan hamkorlik qilish hamda bolaga o‘z vaqtida zarur yordam ko‘rsatish imkonini beradi”, — deya qayd etgan edi ma’muriyat.
Ta’kidlanishicha, tizim nafaqat davomatni nazorat qilish, balki fanlar, sinflar va o‘qituvchilar kesimida darslar tashkil etilishi, o‘quvchilar faolligi hamda o‘qitish usullarini tahlil qilishga ham qaratilgan.
Hokim farmoyishida O‘zbekiston prezidentining 4-sentabrdagi Toshkent umumta’lim maktablarida davomatni yaxshilash va tizim bilan barcha maktablarni qamrab olish to‘g‘risidagi topshiriqlari bayoniga havola keltirilgan.
Hozirda poytaxtda 500 dan ortiq davlat maktabi va 150 ga yaqin xususiy maktab mavjud.