Toshkentda Zeekr elektromobili yonib ketdi
Holat Yashnobod tumanida yuz berdi. Poytaxt FVBB hodisada hech kim tan jarohati olmaganini maʼlum qildi.
Toshkentda Zeekr elektromobili alangaga oʻraldi
26-avgust kuni Toshkent shahrida Zeekr 001 rusumli elektromobilida yongʻin sodir boʻldi.
Poytaxt Favqulodda vaziyatlar boshqarmasiga soat 14:45 da Yashnobod tumani, Qorasuv koʻchasi 4-uy manzilida elektromobil yonayotgani haqida xabar kelib tushgan.
Qayd etilishicha, qutqaruv xizmati xodimlari voqea joyiga tezda yetib borib, yongʻinni soat 15:07 da toʻliq oʻchirishgan.
Idora xabarida "Yongʻin natijasida hech kim jabrlanmagan", deyiladi.
Eslatib oʻtamiz, 2025-yil aprel oyida ham Toshkent markazida zaryadlash stansiyasida turgan Zeekr 001 yonib ketgan edi. "Drujba"da yongan Zeekr voqeasi boʻyicha sud avtomobil egasi foydasiga 450 million soʻm undirishni belgilagan.