Toshkentda «zebra»da piyodaga yoʻl bermagan haydovchi jazolandi
Toshkentda tartibga solinmagan piyodalar oʻtish joyida piyodaga yoʻl bermasdan harakatlangan Lacetti haydovchisiga nisbatan maʼmuriy bayonnoma rasmiylashtirildi. Holat aks etgan video avvalroq ijtimoiy tarmoqlarda tarqalgan edi.
Toshkentda piyodalar oʻtish joyida piyodaga yoʻl bermagan haydovchi javobgarlikka tortildi.
Toshkent shahar IIBB YHXB ijtimoiy tarmoqlarda keng tarqalgan videoyozuvga izoh berdi.
Ushbu videoda Lacetti rusumli avtomobil haydovchisi piyodalar oʻtish joyidan oʻtayotgan piyodaga yoʻl bermay, harakatni davom ettirgani koʻrsatilgan.
Mazkur holat YHXB xodimlari tomonidan atroflicha oʻrganilib, haydovchiga nisbatan Maʼmuriy javobgarlik toʻgʻrisidagi kodeksning tegishli moddasi boʻyicha maʼmuriy bayonnoma tuzildi.
Bundan tashqari, haydovchi bilan profilaktik suhbat oʻtkazildi.
YHXB barcha haydovchilarni tartibga solinmagan piyodalar oʻtish joylariga yaqinlashganda tezlikni kamaytirishga, piyodalarga yoʻl berish uchun toʻxtashga va ular xavfsiz oʻtib olganlaridan soʻng harakatni davom ettirishga chaqirdi.