Toshkentda soxta bankir kompaniyalar hisobraqamlariga kirish huquqini qoʻlga kiritib, 2 milliard soʻmni oʻmarib ketdi

Toshkentda soxta bankir kompaniyalarning hisobvaraqlariga kirish huquqini qoʻlga kiritib, 2 milliard soʻmni oʻzlashtirdi

Toshkentning Uchtepa tumanida 19 ta tadbirkorlik subʼyektining hisobvaraqlaridan ikki milliard soʻmga yaqin mablagʻni oʻgʻirlaganlikda gumonlanayotgan erkak qoʻlga olindi. Tergov talqiniga koʻra, u oʻzini bank operatori sifatida tanishtirgan va pul oʻtkazmalaridagi texnik xatoliklarni bartaraf etish bahonasida kompaniyalarning mablagʻlariga kirish huquqini qoʻlga kiritgan.

Oʻzbekiston IIV Kiberxavfsizlik markazi maʼlumotlariga koʻra, gumonlanuvchi — Toshkent viloyatida tugʻilgan, muqaddam bir necha bor sudlangan 29 yoshli shaxsdir. U oʻzini pul oʻtkazmalari ilovalaridagi uzilishlarni bartaraf etishga yordam beradigan bank xodimi sifatida tanishtirgan.

Tadbirkorlar u bilan Telegram orqali bogʻlanib, oʻtkazmalar bilan bogʻliq muammolar haqida xabar berishgan. Erkak texnik jihatdan yordam berishni vaʼda qilgan, shundan soʻng, departament taʼkidlashicha, maxsus dasturiy taʼminot yordamida kompaniyalarning bank hisobvaraqlaridagi pullarni oʻgʻirlagan.

Mazkur holat yuzasidan Jinoyat kodeksining tegishli moddalari bilan jinoyat ishi qoʻzgʻatilgan. Gumonlanuvchi Jinoyat-protsessual kodeksining 221-moddasi tartibida ushlangan. Tergov harakatlari davom etmoqda.

Oldinroq Oʻzbekistonda bank xodimlari niqobi ostida fuqarolarning kartalaridan pullarni oʻgʻirlagan va ularning nomiga onlayn-kreditlar rasmiylashtirgan jinoiy guruh faoliyati fosh etilgan edi.