Toshkentda Milliy shaffoflik tizimining onlayn-platformasi ishga tushirildi
Toshkentda Milliy shaffoflik tizimining onlayn-platformasi ishga tushirildi
24 sentyabr kuni Toshkentda Milliy shaffoflik tizimining onlayn-platformasini rasmiy ishga tushirish marosimi boʻlib oʻtdi. Bu platforma 21–24 sentyabr kunlari oʻtkazilgan bir qator seminar-treninglar yakuni boʻldi.
Tadbir Oʻzbekiston Iqtisodiyot va moliya vazirligi, vazirlik huzuridagi Yashil iqtisodiyot loyihalari markazi, shuningdek, Expertise France va Citepa ekspertlari tomonidan tashkil etildi. Loyihaning asosiy vazifasi — Kengaytirilgan shaffoflik tizimi doirasida respublikaning iqlim boʻyicha majburiyatlari yuzasidan hisobotlarni yigʻish, tizimlashtirish, boshqarish va tayyorlash jarayonlarini raqamlashtirishdan iborat.
Oʻquv seminarlari doirasida ishtirokchilarga raqamli platformaning arxitekturasi va uning asosiy modullari, jumladan, issiqxona gazlari chiqindilari inventarizatsiyasi va iqlim oʻzgarishi oqibatlarini yumshatish chora-tadbirlari koʻrsatildi. Platforma maʼlumotlarni kiritish, hisob-kitoblarni amalga oshirish, maʼlumotlarni eksport qilish va yakuniy hisobotlarni tayyorlash imkonini beradi. Tizimni navbatdagi Ikki yillik shaffoflik hisoboti (BTR 2) va Issiqxona gazlari milliy kadastrini tayyorlash jarayoniga integratsiya qilishga alohida urgʻu berildi.
Amaliy mashgʻulotlar natijalariga koʻra, Milliy shaffoflik tizimining onlayn-platformasi respublikaning tegishli idoralariga rasman topshirildi va amaliy foydalanishga kiritildi.